Levitiko 11:25 - Mawu a Mulluku

²⁵ Arive muthu atukhulla erive echiwalo ya enama ddookhwannddo, achape ddoowara ddaye komave aneerokhalla ooripihiwa ophiyera misikuwa.

Levitiko 11:25 ပူးပေါင်းရင်းမြစ်များ

Numeri 31:24

Muchape ddoowara ddanyu va nllapo naneetthanu ni piilli nave muneereweellihiwa nave vatulli viwa muneerewaakhullelliwa ovollowa m'misasani.”

Levitiko 15:5

Arive muthu anaamuttannye bedaayooyo achape ddoowara ddaye nave ahape koma aneerokhalla ooripihiwa ophiyera misikuwa.

Levitiko 14:8

Oovoriiwa anaaka eellihiwooyo achape ddoowara ddaye, acheme meehaaye mattheene nave ahape, vano eeddiiddo aneerokhalla aweellihiwa. Amalliha ddittheddennddo, avollowe omisasani koma akhalle otte wa musasaaye mallapo matthanu ni meelli.

Levitiko 11:40

Nave muthu acha enameeyo achape ddoowara ddaye koma akhalle ooripihiwave ophiyera misikuwa. Nayeenettho oyo anaatukhulle enama yookhweeyo achape ddoowara ddaye koma aneerokhalla ooripihiwa ophiyera misikuwa.

Numeri 19:10

Muthu oyo anawolla ntuura achape ddoowara ddaye koma akhalla ooripihiwa ophiyera misikuwa. Nenno nikhalle lamulo wa enthawi yoohimalla wa aneetthi apaalle wa alleto.”

Levitiko 16:28

Muthu oyo anaaddishellellihe, achape ddoowara ddaye nave ahape, vano vatulli viwa avollowe omisasani.”

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

Yohane 13:8

Petro aallota wi, “Khamuwa muhapiha manyallwaaka.” Yesu ahaakhulla wi, “Kaahihapiha manyallwaawo, khokhalla oohudderaaka.”

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Masalimo 51:2

Mukihapihe o ddoolakwa ddaka ddittheddene, mukeellihe o machimwaaka.

Numeri 19:19

Muthu oohiripihiwoolle amumidde maaddi muthu ooripihiwooyo va nllapo na naneeraru ni va nllapo naneetthanu ni piilli. Nave ooripihiwooyo achape ddoowara ddaye, ahape nave misikuwa aneerokhalla aweellihiwa.

Numeri 19:8

Muthu oyo anoosa eng'ombeeyo achape ddoowara ddaye, ahape mwiilli muttheene koma akhalle ooripihiwa ophiyera misikuwa.

Levitiko 15:13

“Muthu ookhumiha marohooyo oona wi oochirihiwa, eerenge mallapo matthanu ni meelli a weellihiwa nave achape ddoowara ddaye, ahape vaneetuutuni nave aneerokhalla aweellihiwa.

Levitiko 14:47

Muthu oyo akonille mpammo achape ddoowara ddaye nave oyo achelle mpammo achapettho ddoowara ddaye.

Levitiko 11:28

Nave muthu anatukhulla enamanndda ddikhwille, achapeke ddoowara ddaye komave aneerokhalla ooripihiwa ophiyera misikuwa. Ddenndda tti ddooripihiwa wa nyuwaano.

Eksodo 19:14

Vano Mose aakittha ovenyera omwaangoni, aphiya wa athwaayo nave ahaalleella wi eddeellihe nave athwaayo yaachapa ddoowara ddiwa.

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

Levitiko 11:24

“Vano arive muthu ooddittannya aneeroripihiwa nave arive muthu ooddittannya ddikhwille akhalleke ooripihiwa ophiyera misikuwa.

Levitiko 11:26

Erive enama yookhalla ni manyallo koma oohikawaneya apaallettho yoohijikulla, yeeyo tti yooripihiwa wa nyuwaano nave arive muthu ooyittannya ekhwille aneerokhalla ooripihiwa.

Levitiko 13:6

Mullupa mukutho amuwehesesettho oovoriiwooyo va nllapo naneetthanu ni piilli. Vamwiillinimvo vaamba ovolla, ereteeyo yoohimwareyella vamwiillinimvo, mullupa mukutho amweere muthooyo aweella. Yeeyo tti ereta shisha, vano oovoriiwooyo achape ddoowara ddaye nave akhalle aweellihiwa.

Levitiko 16:26

Vano muthu iikarihelle epuri wa Azazeloolle, achape ddoowara ddaye nave ahape, vatulli viwa avollowe omisasani.

Levitiko 14:46

Nave muthu oyo anaavollowe mpammo ewalliwe ddiiddo aneerokhalla ooripihiwa ophiyera misikuwa.

Levitiko 15:15

Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Levitiko 17:15

Arive muthu oocha ello yookhwa weekhiiwa apaalle yoottakhuniwa ni enama yawoopiha yamuhakani naari ari Muisraele apaalle mulleto, achape ddoowara ddaye nave ahape koma akhalleve ooripihiwa ophiyera misikuwa nave vatulli viwa eneerokhalla aweellihiwa.

Levitiko 22:6

Mullupa mukutho aripihiwa aneerokhalla ooripihiwa ophiyera misikuwa nave ahiche ddeko ddoopatuleya ophiyera ahapille mwiilli muttheene.

Numeri 19:7

Vano mullupa mukutho achape ddoowara ddaye nave ahape. Vatulli viwa avollowe m'misasani koma akhalle ooripihiwa ophiyera misikuwa.