Levitiko 10:6 - Mawu a Mulluku

⁶ Vano Mose aamulleella Aroni ni anaaye Eleazara ni Itamara wi, “Muhinakhalla oohipesa apaalle waahulla ddoowara ddanyu wooniha ethakaraka, woova wi munaakhwe navettho wooviha wi Apwiya eneerewaashella murima athu attheene. Koma Aisraele akhwiinyu sika enawinlle ekaamba ya munllo oyo Apwiya yaashellellihalliiwana Nadabu ni Abihu

Levitiko 10:6 ပူးပေါင်းရင်းမြစ်များ

Yoswa 22:18

Ethiyo vano moohiya waathwara Apwiya Mullukwaanyu? Mwaawukila ollello alliwa eneeronanariwella mutundu muttheene wa Aisraele osiisello.

Yoswa 7:1

Koma Aisraele amodda kheyaawiiwellelle malamulo a Apwiya awi ehikuse erive ello mu Yeriko yoophwanella woonongiwa. Vano Akani aavittha ddeko ddimodda. Olliyoolla aari mwaana a Karimi, mwaana a Zabidi, mwaana a Zera, a nlloko na Yuda. Sika Apwiya yahaashella murima wunchichi Aisraele attheene.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Numeri 1:53

Koma Alevi etthipelle misasa ddiwa moowaapheella musasa wa mutthukumano wi kihaallutuwelle Aisraele. Alevi sika enaawehereke musasooyo.”

2 Samuele 24:1

Enthawi emodda Apwiya yahaananariwellattho Aisraele, sika yaamweeriha Davide wi aahoose alliwa. Yaamulleella wi, “Khawe waweerenge Aisraele ni Ayuda attheene.”

Yoswa 22:20

Upuwellani wi Akani, mwaana a Zera, aakhoota wiiwellella malamulo a ddeko ddoophwanella woonongiwanndde nave osha murima wahaamorella Aisraele attheene, ahoonongeya yeekhaayeve muthooyo ekaamba ya ochimwa wayenko.’ ”

Levitiko 13:45

“Muthu amakatooyo aware matapwata nave ahicheme meehaaye, akhuneelle eyano nave akhuweke wi, ‘Kooripihiwa, kooripihiwa.’

Numeri 18:5

Nave muneerekorumeyella mu nipuro naweella ni va nikuwa wi Apwiya ehaashellettho murima Aisraele.

Mika 1:16

Nyu a o Yuda, chemani mpala wooniha wi munawinllella aniinyu mwaakondeenyu. Mukhalle ni nttari na echiwombankhanga vawi aniinyu yahuuhiyani.”

Yeremiya 7:29

“We Yerusalemu, chema meehaawo nave waatathille. Ipa nchipo nawinlla vaddullu va miyaango, kaambiiwa mi Apwiya koosha murima, ddawoona, kohuuhiya.

Yoswa 7:11

Aisraele aachimwa, aapwesa echipanganwaaka. Aakusa nnddo kaalleelleemi wi tti ddoophwanella woonongiwa. Yahiiyattho nave yaallekattho, epweserera ni ddeko ddiwa.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Numeri 14:6

Yoswa mwaana a Nuni ni Kalebe mwaana a Yefune ayo yaari m'mullokoni wa athu oozonda ellapweelle yahaahulla ddoowara ddiwa.

Numeri 5:18

Amwiimesa vamiitthoni va Apwiya amuttaphullihe meehi nave amuhelle othu wa mukutho wawuupusa m'mattani mwaye, mukutho wa othu woovelleellella ehache. Mullupa mukuthooyo akuse maaddi oowaawa m'mattani mwaye, maaddi amatembelelo.

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Eksodo 6:23

Aroni aamutthella Eliseba, mwaana a Aminadabu nave murokoriye a Nashoni. Eliseba aamuyara Nadabu, Abihu, Eleazara ni Itamara.

Numeri 20:25

Omukuse Aroni ni mwanaye Eleazara nave owellena vaddullu va mwaango wa Horo.

Ezara 7:5

mwaana a Abishuwa, mwaana a Finehasi, mwaana a Eleazara, mwaana a Aroni, mullupa mukutho muullupalli.