Levitiko 10:16 - Mawu a Mulluku

¹⁶ Vano Mose ahaashaasha epuri yooheraatthella mukutho woopepesella machimo nave aphwanyille eyishellellihalle khalle. Vano ahaashella murima anaaye, Eleazara ni Itamara. Aallota wi,

Levitiko 10:16 ပူးပေါင်းရင်းမြစ်များ

Levitiko 9:3

Vano wallote ni Aisraele wi, ‘Mukuseni nankhoro a epuri wi muvelleelle mukutho woopepesella machimo. Mumukusettho musaana a nankhoro a eng'ombe owaakattho musaana eenkhosa. Asaana eellaalla ekhalle a muyakha mmodda, oohirakalla wi okhalle mukutho wooshellelliha.

Levitiko 9:15

Vatulli viwa aavelleella mikutho dda athwaayo, akusa epuri ya mukutho woopepesella machimo a athwaayo ayiipha, ayiheraatthi mukutho woopepesella machimo, wonanko mmo eerelleeye ni mukutho woopepesella machimo wawaamboolle.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Numeri 12:3

Mose aari awiiyeviha omukhwaranya arive muthu va ellapo yavatthi.

Levitiko 6:30

Koma ahiche enama ya mukutho woopepesella machimo oyo nikhame niwa enawaaniiwa m'musasani wamutthukumano wi ekhululukelliwe machimo. Enameeyo ahiyiche koma ayishellellihe.”

Levitiko 6:26

Mullupa mukutho oyo anaayiheraatthi enameeyo, ache enameeyo vanipuroni noopatuleya sika wi vanthatoni na musasa wamutthukumano.

Levitiko 6:17

“Voowaapeyani ehimuhellemo yisiti. Apwiya aatthoolla ddoohallannddo wi ddikhalle echigawiiwa ya mukutho wawoosiwa viikho. Ddittheddenennddo tti ddaweellihiwa wunchichi wonanko mukutho woopepesella machimo navettho mukutho woolliva.

Ezara 7:5

mwaana a Abishuwa, mwaana a Finehasi, mwaana a Eleazara, mwaana a Aroni, mullupa mukutho muullupalli.