Levitiko 10:12 - Mawu a Mulluku

¹² Mose aamulleella Aroni ni anaaye oohallaalle, Eleazara ni Itamara wi, “Kusani mukutho wa othu oyo ohanlle va mikutho ddawoosiwa viikho ddoovelleelliwa wa Apwiya nave muche woohikhalla ni yisiti vakhuviru ni nikuwa vawi yoolla tti woopatuleya wunchichi.

Levitiko 10:12 ပူးပေါင်းရင်းမြစ်များ

Levitiko 21:22

Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho.

Ezekiele 44:29

Alliwa echeke ddoovelleella dda yoocha, dda mukutho woopepesella machimo ni dda mukutho woolliva. Nave ddittheddene ddoovelleelliwa wa miyaano mu Israele ddikhalle ddayiwa.

Levitiko 7:9

Vano orive mukutho wa othu wawaapeyiwa mu ufuni apaalle wawaarikiwa apaalle wawaapeyiwa muchiwayani okhalle wa mullupa mukutho oyo aheraatthille munipuroni na muthu mmodda.

Eksodo 29:2

Omukusettho buledi oohikhalla ni yisiti, buledi oohikhalla ni yisiti oottakanyihera ni makhura navettho buledi oohikhalla ni yisiti ooshashaalla oomara makhura. Ddenndda oddipange ni othu waphaama watirigu.

Eksodo 6:23

Aroni aamutthella Eliseba, mwaana a Aminadabu nave murokoriye a Nashoni. Eliseba aamuyara Nadabu, Abihu, Eleazara ni Itamara.

Levitiko 10:13

Muwuchelle vanipuroni noopatuleya kaambiiwa yoolla tti echigawaanyu ovenyera va mikutho ddawoosiwa viikho ddoovelleelliwa wa Apwiya wi okhalle waanyu, weyaano ni anaawo. Ddenndda tti nnddo Apwiya yakilamulalliiwa.

Numeri 3:2

Manddina a anamwani a Aroni tti alla, Nadabu mwanaye awaamba, Abihu, Eleazara ni Itamara.

Eksodo 29:33

Eche ddittheddene nndde yaddivelleelliiwa wa Apwiya va mutetho woopepesella machimo voowaazozani ni waavaha odindo. Muthu shisha ahiche vawi tti ddoopatuleya.

Levitiko 24:9

Yoocheeyo ekhalle ya Aroni ni anaaye nave eyichelle m'mapuroni oopatuleya vawi wa alliwa yeella tti yoopatuleya wunchichi, yoovenyera va mikutho ddawoosiwa viikho wa Apwiya. Lamulo nenna nikhalle na enthawi yoohimalla.”

2 Epilli 31:14

Kore mwaana a Imina Mulevi, mulonda a va mullako wa wookhuma nndduwa sika awehera ddoovelleella ddoohiwatiheriwa wi addikaweke ddawaaphwanella Apwiya ni mikutho ddaweellesesa.

Ezara 7:5

mwaana a Abishuwa, mwaana a Finehasi, mwaana a Eleazara, mwaana a Aroni, mullupa mukutho muullupalli.