Levitiko 10:1 - Mawu a Mulluku

¹ Anamwani eelli a Aroni, Nadabu ni Abihu yaakusa yoothuwihella mwiisi wa lubani* ehellamo mankhalla amunllo. Vamankhallanimvo yaahellavo lubani nave yaavelleella wa Apwiya munllo woohaakhullelliwa oyo yahilamuliwiiwa.

Levitiko 10:1 ပူးပေါင်းရင်းမြစ်များ

Numeri 26:61

Nave Nadabu ni Abihu yaakhwa ekaamba yawi yaavelleella munllo woohaakhullelliwa vamiitthoni va Apwiya.

Levitiko 16:12

Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani.

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Numeri 16:46

Mose aamulleella Aroni wi, “Kusa yoothuwihellaawo mwiisi ya lubani, ohellemo mankhalla amunllo wa vanikuwani nave ohellemo lubani. Oyeena mwawaakuva nko ori athu nave oweerelle mutetho woopepesella machimwiiwa. Apwiya aasha murima nave mullilli wohaamba khalle.”

Eksodo 24:1

Apwiya yaamulleella Mose wi, “Ngawa wa miyaano omwaangoni wuno ni Aroni, Nadabu, Abihu navettho oohoollella 70 a Aisraele. Vano mukillapelleke miyaano muri voorekamella.

Eksodo 6:23

Aroni aamutthella Eliseba, mwaana a Aminadabu nave murokoriye a Nashoni. Eliseba aamuyara Nadabu, Abihu, Eleazara ni Itamara.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Levitiko 22:9

Sika allupa mukutho esunge malamulwaaka wi ehichimwe nave ehikhwe ekaamba yooripaha malamulwaayo. Mi tti Apwiya ayo enaapatula.

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Eksodo 24:9

Sika Mose, Aroni, Nadabu ni Abihu navettho oohoollella 70 a Aisraele yaawella mwaango

Levitiko 16:1

Apwiya yaallota ni Mose vatulli va okhwa wa anamwani eelli a Aroni ayo yiiphiwe ekaamba yoowaatamella Apwiya moohiphwanellella.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Eksodo 27:3

Opangettho embale ddiwa moomorellamo ntuura, mafosholo, mabeseni, mafoloko muullupalli navettho ezipangizo ddookharihavo munllo. Ezipangizo ddittheddene dda va nikuwanno ddikhalle dda mukuwa.

Aheberi 9:4

Mwemmo mwaakhalla nikuwa nagolide vooheraatthella mukutho wa lubani* nave ni nibokosi na echipangano nittheene noomariwa ni golide. Nave muwari mwa nibokosinno mwaakhalla kapu a golide oyo mwahelliwe mana, ekopo ya Aroni yaphuwalle makukhweelle yaari mwemmottho navettho malluku meelli valle valembiwe malamulo a Mulluku.

Yeremiya 44:15

Vano allopwana attheene ayo yadduwenlle wi awariwa yaanoosella lubani milluku ni atthiyana attheene ayo yaari vaavo athu anchichi owaakattho athu attheene ookhalla o Patirosi mu ellapo ya Iguputo. Ddawoona, athu anchichi yaamwaakhulla Yeremiya wi,

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Yeremiya 32:35

Yaamaka nipuro noomullapellamo Baala mu ntapo na Mwaana a Hinomu wi yaavelleelle aniiwa aallopwana ni aatthiyana wonanko mukutho wa Moleki. Khe miyaano kaalamunle ddennddo nave naari vang'ono ngaaganizera wi alliwa ttuuweera ddoonanara ddawi ddiidda ni waachimwiha athu a o Yuda.”

Yeremiya 19:5

Yaamaka nipuro noomullapellamo Baala mmo yaavelleelliiwa aniiwa wi ekhalle mikutho ddooshellelliha. Ddenndda ngaalamunle apaalle oddiganizera naari vang'ono.

Yeremiya 7:31

Aamaka nipuro noollapellamo o Tofeti, mu ntapo na Mwaana a Hinomu wi yaashellellihekewo anamwaniiwa aallopwana ni aatthiyana. Ddenndda ngaalamunle apaalle oddiganizera naari vang'ono.

Deuteronomo 17:3

nave atathinlle echipangano voollapellani ni orumeyella milluku ddimodda monga nndduwa, mweeri apaalle etheneeri nnddo kahiihalleemi wi ehiddillapelleke.

Deuteronomo 4:2

Muhoonjererevo erive ello va nnddo kinuulamulelleemini nave ovukullavo erive ello. Mwiiwellelleke malamulo a Apwiya Mullukwaahu ayo kinuulleelleemini.

Eksodo 40:27

Vanikuwanimvo ahoosavo lubani na nthuko naphaama moollikana ni mmo Apwiya yamulamulelliiwa.

Eksodo 38:3

Aapangattho embale ddiwa moomorellamo ntuura, mafosholo, mabeseni, mafoloko muullupalli navettho ezipangizo ddookharihavo munllo. Ezipangizo ddittheddene dda va nikuwanno ddaari dda mukuwa.

Eksodo 37:29

Aapangattho makhura oopatuleya oozozella navettho lubani na nthuko naphaama wonanko muthu oopanga ddawunkhella.

Eksodo 31:11

makhura oozozella navettho lubani* na nthuko naphaama na nipuro naweella. Epange ddittheddenenndda moollikana ni mmo kuulamulelleemi.”

1 Mamwene 18:38

Vaavo munllo wa Apwiya waamora oshellelliha mukuthooyo, ekhuni, malluku ni ethayeene. Munllooyo waawelleelliha maaddi ayo yaari mu engalandaalle.

Eksodo 8:27

Ninaphwanella weeta olendo wookwakhwana mallapo mararu muchipululuni wi navelleelle wa Apwiya Mullukwaahu, moollikana ni mmo yanilamulelliiwa.”

Numeri 4:18

“Muhinaakhullella Akohati yoonongeye variyari va Alevi,