Levitiko 1:9 - Mawu a Mulluku

⁹ Koma muthooyo ahuwe marupo ni meto ddene. Nave mullupa mukutho ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Levitiko 1:9 ပူးပေါင်းရင်းမြစ်များ

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Levitiko 1:13

Koma muthooyo ahuwe marupo ni meto ddene. Nave mullupa mukuthooyo, ayishellellihe enama ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

2 Akorinto 2:15

Vawi hiyaano niri wonanko nthuko naphaama phaama noovelleelliwa ni Khrisitu wa Mulluku, nko onavuwihiwa variyari va ayo enaavullusiwe ni ayo ehinaavullusiwe.

Ezekiele 20:41

Kineerowaakhellani wonanko nthuko naphaama vawuukhumihani variyari va athu a mitundu ddimodda ni wuutthukumanihani ovenyera o ellapo nnddo mwapallalleyelleenyu. Vaavo kineerewooniha weella waka va nyuwaano nave mitundu ddimodda ddineerewoona.

Levitiko 3:11

Vano mullupa mukutho ashellellihe ddittheddenennddo vanikuwani wi okhalle mukutho wa othu wawoosiwa viikho woovelleelliwa wa Apwiya.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Masalimo 66:15

Kineerovelleella mikutho ddooshellelliha dda enama ddooneneva, mwiisi wa mukutho wa anankhoro a enkhosa oneerophiya wa nyuwaano, kineerovelleella mikutho dda anankhoro a eng'ombe ni a epuri.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Levitiko 9:14

Vano ahuwalle marupo ni meto, aaddishellelliha vanikuwani vaavo, vaddullu va ddoohalla dda mukutho wooshellellihoolle.

Levitiko 8:21

Vano ahuwalle marupo owaaka meto, aaddishellellihattho. Sika aashellelliha enama ettheeneeyo vanikuwani wi okhalle mukutho wooshellelliha, wa nthuko nawaaddivella Apwiya wawoosiwa viikho moollikana ni mmo alliwa yamulamulelliiwa Mose.

Levitiko 1:17

Vatulli viwa ayitthalle variyari, nuuphello nimodda nngu, nimodda nngu koma woohivenyihavo muuphellwaayo. Nave eyishellellihe epallame ettheeneeyo vanikuwani wi okhalle mukutho wooshellelliha, wawoosiwa viikho, wa nthuko nawaaddivella Apwiya.”

Eksodo 29:25

Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Eksodo 12:9

Muhiiyiche ekitthi apaalle yawaapeya koma muyoose ettheene ni murwiiweene, meto ni dda m'mirimani ddittheddene.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Numeri 28:11

“Va nllapo nawaamba na orive mweeri, muvelleelleke wa Apwiya mukutho wooshellelliha. Mukuthooyo okhalleke wa anankhoro a asaanaang'ombe eelli, nankhoro a enkhosa emodda ni anankhoro a asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Deuteronomo 12:27

Wenko mwavelleelle mikutho ddooshellelliha, enama vamodda ni nikhame nene va nikuwa na Apwiya. Nikhamenno muniithelle waapheella nikuwa na Apwiya Mullukwaanyu koma enameeyo ttuuyicha.

Levitiko 2:2

nave aweena wa anamwani a Aroni. Mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Vano mullupa mukutho ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya, wawoosiwa viikho, wa nthuko nawaaddivella Apwiya.

Levitiko 2:9

Vaavo mullupa mukuthooyo akusewo echigawo emodda wooniha wi mukutho muttheenooyo woovelleelliwa wa Apwiya, vano awushellellihe vanikuwani. Yooyo sika mukutho wawoosiwa viikho, wa nthuko nawaaddivella Apwiya.

Levitiko 2:16

Vano mullupa mukutho ashellellihe echigawo ya ddoosilleyanndde ni ya makhura navettho lubanaaye muttheene, wooniha wi mukutho muttheenooyo woovelleelliwa wa Apwiya. Yooyo tti mukutho wawoosiwa viikho, woovelleelliwa wa Apwiya.

Levitiko 3:5

Vano anamwani a Aroni eshellellihe ddittheddenennddo vanikuwani ni mukutho wooshellelliha oyo ori vakhunini viikhomvo. Yooyo sika mukutho wawoosiwa viikho, wa nthuko nawaaddivella Apwiya.

Levitiko 6:14

“Malamulo a mukutho wa othu tti awi, anamwani a Aroni eweekena vahoollo va nikuwa ni ovelleella vamiitthoni va Apwiya.

Levitiko 8:28

Vatulli viwa Mose aakusamo m'mattani mwiwammo aaddishellelliha vanikuwani ni mukutho wooshellellihoolle wi okhalle mukutho woomuzozella mullupa mukutho, wawoosiwa viikho, wa nthuko nawaaddivella Apwiya.

Numeri 28:7

Vamodda ni erive enkhosa, mukutho wayoowirya ekhalle lita nimodda. Vanipuroni noopatuleya mumwiithellekevo vinyo oowalli omuvelleella wa Apwiya.

Numeri 28:8

Vano waamuvelleellaka mwaanaankhosa aneepiillooyo misikuwa oweekena ni muyezo woophwanaphwana wa othu, makhura ni vinyo wonanko ohinase. Ddennddo ddikhalle mukutho wa nthuko nookiddivella, wawoosiwa viikho wa mi Apwiya.

1 Epilli 6:34

mwaana a Elikana, mwaana a Yerohamu, mwaana a Eliyele, mwaana a Towa,

2 Epilli 4:6

Aapangattho mabeseni khumi, matthanu aahiyalle omwera nave matthanu mamodda oompoto. Mwemmottho yaanahuwellamo ezipangizo nnddo yapharihiiwa mutteko voovelleellani mukutho wooshellelliha nave ethankeeyo yaari moonawellamo allupa mukutho.

Ezekiele 40:38

Vaakhalla echipinda ni nikhote niwa vakhuviru ni nikhote namuwari na mullako wa ompoto nko yahuwelliiwawo enama ya mukutho wooshellelliha.