Levitiko 1:5 - Mawu a Mulluku

⁵ Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.

Levitiko 1:5 ပူးပေါင်းရင်းမြစ်များ

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 1:11

Nave ayiiphelle ompoto wa nikuwa vamiitthoni va Apwiya, vano anamwani a Aronaayo yiithe nikhame vanikuwanimvo moowaapheella.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

2 Epilli 35:11

Nave yaamwiipha mwaanaankhosa a Paska nave allupa mukutho yahiitha nikhame yaakhenlliiwa ovenyera wa Alevi, alliwa yaattaka enamannddo.

Levitiko 3:13

atthinddaanyere nnatta naye va muru wa epureeyo, vano ayiiphelle va nthato na musasa wamutthukumano. Vano anamwani a Aroni evelleelle nikhame na epurinno vawiithani moowaapheella nikuwa.

Eksodo 29:16

Vano oyiiphe nave okuse nikhame niwa ni oniitha moowaapheella nikuwa.

Aheberi 10:11

Allupa mukutho enaphara muttekwiiwa nllapo ni nllapo oheraatthi mukutho mmoddamoddave oyo ohinawora ohuwa machimo.

Mika 6:6

Ethiyo kikuse tini wi kiphiye vamiitthoni va Apwiya wi kamullapelle Mulluku ooddullu? Ethiyo kaakuse asaanaang'ombe a muyakha mmodda wi kivelleelle mukutho wooshellelliha?

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

Numeri 18:17

Koma musaanaang'ombe awaamba apaalle musaana a enkhosa awaamba apaallettho musaana a epuri awaamba muhinamoopollaka vawi tti aweella. Mwiithelle nikhame niwa vanikuwani nave moose makhuriiwa wi ekhalle mukutho wawoosiwa viikho wa nthuko nawaaddivella Apwiya.

Levitiko 16:15

“Vano Aroni iiphe epuri ya mukutho woopepesella machimo a athu. Nikhame niwa avollowena ntthella na ekatani nave eerena wonanko mmo erelleeyena nikhame na eng'ombe, voomiddani va yookhuneelleeyo ni vatthi vahoollo va yookhuneelleeyo.

Levitiko 1:15

Mullupa mukutho awaana vanikuwani, ayiphadde muru mooyinyokotholla nave ashellellihe murooyo vanikuwani. Attannyihe epallameeyo vasirini va nikuwanno wi nikhame neetellelle vakhwipi va nikuwa.

Eksodo 29:11

Nave oyiiphe eng'ombeeyo vamiitthoni va Apwiya, vakhuviru ni mullako wa musasa wamutthukumano.

Levitiko 4:29

Vano atthinddaanyere nnatta naye va muru wa epuri yoopepesella machimweeyo nave ayiiphella vanipuroni mvo eniiphelliiwa mukutho wooshellelliha.

Levitiko 4:33

Vano atthinddaanyere nnatta naye va muru wa enkhosa yoopepesella machimweeyo nave ayiiphelle vanipuroni mvo eniiphelliiwa mukutho wooshellelliha.

Levitiko 17:11

Vawi okumi wa erive yoophatusiwa okonne munikhameni nave koonivelleella wa nyuwaano wi mweerelleke mukutho wa mutetho woopepesella machimo a okumaanyu vanikuwani. Vallethi nikhame sika ninavenyiha machimo ekaamba ya okumi oyo ori munikhamenimmo.

1 Samuele 1:25

Eyiiphalle eng'ombeelle ni oyivelleella mukutho Hana amuvelleella mwaanoolle wa Eli.

Ezekiele 43:18

Apwiya Mulluku yaakilleella wi, “We mwaana a muthu, nikuwanno namakiwa malamulwiiwa voovelleellani mukutho wooshellelliha nave voomiddani nikhame tti awi,

Eksodo 40:6

Ohiyevo nikuwa na mukutho wooshellelliha vahoollo va mullako wa musasooyo.

Levitiko 4:7

Vatulli viwa mullupa mukutho muullupalli amare nikhamenno va manyaka a va nikuwa nawoosellamo lubani* nno niri m'musasani wamutthukumano. Nikhame noohalla na eng'ombeeyo aniithelle vatthi va nikuwa na mukutho wooshellelliha, nno niri va mullako wa musasa wamutthukumano.