Levitiko 1:4 - Mawu a Mulluku

⁴ Vano atthinddaanyere nnatta naye va muru wa eng'ombeeyo nave eneerowaakhelliwa wi ekhalle mukutho wooshellelliha woopepesella machimwaaye.

Levitiko 1:4 ပူးပေါင်းရင်းမြစ်များ

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Levitiko 4:20

Eere ello emoddamoddave yeeyo wa nankhoro yoolla wonanko mmo aneerelleeye ni nankhoro ooheraatthiwa va mukutho woopepesella machimo. Sika aheraatthi mukutho woopepesella machimo ekaamba ya nichimo aathwaayo nave eneerokhululukelliwa.

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Eksodo 29:15

“Omukuse mmodda mwa anankhoro a enkhosa eelli nave Aroni ni anaaye etthinddaanyere mattiiwa va muru wa enkhoseeyo.

Eksodo 29:10

“Vatulli viwa oweena nankhoro a eng'ombe vahoollo va musasa wamutthukumano. Nave Aroni ni anaaye etthinddaanyere mattiiwa va muru wa nankhorooyo.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Eksodo 29:19

“Nave okuse nankhoro a enkhosa emoddeeyo. Aroni ni anaaye etthinddaanyere mattiiwa vamuru wa enkhoseeyo.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Yesaya 56:7

“Kineerewaaphiyiha o Ziyoni, mwaangwaaka wootthoolliwa. Kineerewaavaha ehakallallo mu enyumbaaka yamavekello. Mikutho ddiwa ddawoosa ni mikutho ddiwa ddimodda kineeroddaakhella va nikuwa naka. Valle enyumbaaka eneeroromolliwa enyumba yoovekellamo athu a mitundu ddittheddene.”

Numeri 15:25

Mullupa mukutho eere mutetho woopepesella machimo a Aisraele attheene nave athwaayo eneerokhululukelliwa ekaamba yawi yachimwalle moohidduwella nave wi yaawa wa Apwiya ni ddoovelleella ddiwa dda mukutho wawoosiwa viikho navettho mukutho woopepesella machimo wi yaapepeselle machimwiiwa.

Levitiko 16:24

Ahape onipuroni noopatuleya nave aware ddoowara ddaye, akhume wi aheraatthi mukuthwaaye wooshellelliha navettho mukutho wooshellelliha wa athu amodda. Eeddiiddo sika wi oheera mutetho woopepesella machimwaaye ni a athu amodda.

Levitiko 16:21

Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni.

Levitiko 9:7

Mose aamulleella Aroni wi, “Susera vakhuviru ni nikuwa nave oheraatthi mukutho woopepesella machimo ni mukutho wooshellelliha wi okhalle mutetho woopepesella machimo a Aisraele. Oheraatthi ddoovelleella dda athwaayo nave weere mutetho woopepesella machimwiiwa moollikana ni mmo Apwiya elamulelliiwa.”

Levitiko 8:22

Vano Mose aawaana nankhoro a enkhosa yaneepiilli yoomuzozella mullupa mukutho. Nave Aroni ni anaaye yaatthinddaanyera mattiiwa va muru wa enkhoseeyo.

Levitiko 8:14

Vatulli viwa Mose aawaana nankhoro a eng'ombe ya mukutho woopepesella machimo nave Aroni ni anaaye yaatthinddaanyera mattiiwa va muru wa nankhorooyo.

Levitiko 4:35

Vano avenyihe makhuriiwa mattheene, wonanko mmo enaavenyihelliiwa makhura eenkhosa yoovelleelliwa mukutho wa eyaattano nave ashellellihe vanikuwani ni mikutho ddimodda ddawoosiwa viikho, ddoovelleelliwa wa Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:29

Vano atthinddaanyere nnatta naye va muru wa epuri yoopepesella machimweeyo nave ayiiphella vanipuroni mvo eniiphelliiwa mukutho wooshellelliha.

Levitiko 4:24

Vano oolamulellooyo atthinddaanyere nnatta naye va muru va nankhoro a epuri ni omwiiphella vanipuroni mvo eniiphelliiwa mukutho wooshellelliha vamiitthoni va Apwiya. Yooyo sika mukutho woopepesella machimo.

Levitiko 4:15

Vano oohoollelliiwa etthinddaanyere mattiiwa va muru wa nankhoro a eng'ombe vamiitthoni va Apwiya nave mmodda a alliwaayo ayiiphe vamiitthoni va Apwiya.

Levitiko 4:4

Mullupa mukutho muullupallooyo aweena eng'ombeeyo va mullako wa musasa wamutthukumano vamiitthoni va Apwiya. Vano atthinddaanyere nnatta naye va muru wa eng'ombeeyo nave ayiiphe eng'ombeeyo vamiitthoni va Apwiya.

Levitiko 3:13

atthinddaanyere nnatta naye va muru wa epureeyo, vano ayiiphelle va nthato na musasa wamutthukumano. Vano anamwani a Aroni evelleelle nikhame na epurinno vawiithani moowaapheella nikuwa.

Aheberi 10:4

Vawi nikhame na eng'ombe ni na epuri khaniwora ohuwa machimwiiwa.

Aroma 5:11

Khe yeeyove komattho ninnahakallalla mwa Mulluku oweella mwa Apwiihu Yesu Khrisitu oyo anaattanihalle ni Mullukooyo.

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

Numeri 15:28

Sika vano mullupa mukutho amweerelle mutetho woomupepesella machimo vamiitthoni va Apwiya muthu oochimooyo nave aneerokhululukelliwa.

Numeri 8:12

Vatulli viwa Alevaayo etthinddaanyere mattiiwa va miru dda anankhoro a eng'ombe nave weyaano ovelleelle eng'ombe emodda wi ekhalle mukutho woopepesella machimo emoddeeyo ekhalle mukutho wooshellelliha wa Apwiya weera mutetho woopepesella machimo a Alevi.

Levitiko 22:27

“Eng'ombe, enkhosa apaalle epuri yarelliwa, ekhalle ni meewa wa mallapo matthanu ni meelli. Nave waambeella nllapo naneetthanu ni raru oya muhoollo ttuuwaakhelliwa wi ekhalle mukutho wawoosiwa viikho, woovelleelliwa wa Apwiya.

Levitiko 22:21

Muthu avelleella mukutho wa eyaattano wa Apwiya wi eere nnddo moollupella apaalle mwa opaalla waye nave yakhalla eng'ombe apaalle enkhosa apaalle epuri ekhalle yoohirakalla.

Levitiko 6:7

Mwawi ddiidda aheraatthi mukutho wa olliva machimo ekaamba ya nichimo na muthooyo nave aneerokhululukelliwa machimwaaye mattheene.”

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Eksodo 28:38

Enthawi ddittheddene ekhalle vayuuchini va Aroni wi olliyooyo iireye ddoolakweya ddittheddene dda va ddoovelleella dda Apwiya nnddo Aisraele enaddipatuliiwa wi Apwiyaayo eddaakhelle ddoovelleella dda athunnddo.”

Eksodo 29:33

Eche ddittheddene nndde yaddivelleelliiwa wa Apwiya va mutetho woopepesella machimo voowaazozani ni waavaha odindo. Muthu shisha ahiche vawi tti ddoopatuleya.

Levitiko 4:33

Vano atthinddaanyere nnatta naye va muru wa enkhosa yoopepesella machimweeyo nave ayiiphelle vanipuroni mvo eniiphelliiwa mukutho wooshellelliha.

Numeri 8:10

Waawaavelleellaka Alevaayo vamiitthoni va Apwiya Aisraele etthinddaanyere mattiiwa va Alevi.

Ezekiele 45:15

Muvelleelleke enkhosa emodda va mulloko wa enkhosa 200 dda m'mapuroni aphaama oochihella enama a o Israele. Mmu sika munaavelleellellekeenyu mikutho dda yoocha, mikutho ddooshellelliha, mikutho ddeeyaattano ni mikutho ddoopepesella. Mi Apwiya Mulluku koollota.

Levitiko 8:18

Vatulli viwa aavelleella nankhoro a enkhosa ya mukutho wooshellelliha nave Aroni ni anaaye yaatthinddaanyera mattiiwa va muru va enkhoseeyo.