Levitiko 1:2 - Mawu a Mulluku

² allote ni Aisraele wi, “Arive muthu aawaaka wa Apwiya wi avelleelle mukutho, akuseke eng'ombe apaalle enkhosa apaalle epuri.

Levitiko 1:2 ပူးပေါင်းရင်းမြစ်များ

Aroma 12:6

Nookhalla ni emphaso ddoohiyanahiyana moollikana ni echisomo eyo Mulluku anivahilleeye. Sika emphaswaahu yakhalla yoollotella mawu a Mulluku nillotelleke moollikana ni echikhulupililwaahu.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

1 Epilli 16:29

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

Genesis 4:5

Koma Apwiya kheyaahakallallille ni Kaini ni mukuthwaaye. Ekaamba ya yeella Kaini aasha murima wunchichi, mwawi ekhovaaye yaamora navettho yaawa mahinyare.

Genesis 4:3

Viviralle enthawi, Kaini aakusavo ezipaso allimalleeye, aaharaatthella mukutho Apwiya.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Mariko 7:11

Koma munahuddiha wi mmodda annaakhullelliwa waalleella attiitthinnya apaalle amennya wi, ‘Tti Korobani’ (Ottaphullella wi, nikavihero kaawinnyemini koovelleella wa Mulluku.)

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Numeri 5:15

mullopwanooyo awe ni mwaariye wa mullupa mukutho. Nave avelleelle mukutho wa othu wa barele wookwakhwana nikilogaramu nimodda. Ahihellevo makhura apaalle lubani* vamukuthonimvo vawi tti mukutho wa othu woovelleellella ehache, mukutho wawuupusa ni owulula.

Numeri 7:15

Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

Ezara 3:5

Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.