Levitiko 1:14 - Mawu a Mulluku

¹⁴ “Mukutho wooshellellihooyo wakhalla wa epallame, nikhalleke nnddiya apaalle niwunda.

Levitiko 1:14 ပူးပေါင်းရင်းမြစ်များ

Luka 2:24

Yaavelleellattho mukutho voothwarani malamulo a Apwiya awi, “Eheraatthi ekhunda piilli apaalle mawunda a ekhunda meelli.”

Levitiko 5:7

“Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Genesis 15:9

Apwiya yaamwaakhulla wi, “Waana eng'ombe, epuri ni nankhoro a enkhosa, ddittheddenenndda dda miyakha miraru, vamoddattho ni nnddiya ni ekhunda.”

Mateyu 21:12

Yesu aavollowa mu enyumba ya Mulluku awiikariha athu ookulliha ni ookulla malonda ddeko ddooheraatthella mukutho mwemmo. Aarukunusa matebulo a athu awaakakhaniha makobiri navettho mipando dda ookulliha ekhunda.

Levitiko 5:10

Nave aheraatthi epallame emoddeeyo wi ekhalle mukutho wooshellelliha, voothwarihani mutethwiiwa. Mwawi ddiidda aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 5:11

“Koma muthu aahikhallana manddiya meelli apaalle ekhunda piilli, awe ni othu waphaama wookwakhwana kilogaramu nimodda wi okhalle mukutho woopepesella nichimo nno aneerilleeye. Ahihellemo makhura apaalle lubani* kaambiiwa yooyo tti mukutho woopepesella machimo.