Levitiko 1:10 - Mawu a Mulluku

¹⁰ “Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Levitiko 1:10 ပူးပေါင်းရင်းမြစ်များ

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Levitiko 22:19

mukuthooyo oneerewaakhelliwa wakhalla enama yaamullopwana yoohirakalla, eng'ombe apaalle enkhosa apaalle epuri.

Levitiko 4:23

Vano nichimonno nadduwanyeya, olliyooyo avelleelle mukutho wa nankhoro a epuri yoohirakalla.

Eksodo 12:5

Mwaanaankhosa apaalle musaanaapuri akhalle ohirakalla, aamullopwana navettho a muyakha mmodda. Ttuuwora waatthoollattho anamwani a epuri.

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Genesis 4:4

Abele nayeenettho aakusa amodda a anamwani awaamba a enkhosa ddaye nave aavelleella wonanko mukutho enama yaphaama yamakhura. Sika Apwiya yaahakallalla ni Abele ni mukuthwaaye.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

Ezekiele 43:22

“Waasaka omuvelleelle nankhoro a epuri oohirakalla wi nayeenettho akhalle mukutho woopepesella machimo. Ni nankhoro a epurooyo weellihelle nikuwanno wonanko weerelleewe ni nankhoro a eng'omboolle.

Levitiko 3:1

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa eng'ombe, akhalleke nankhoro apaalle yaamutthiyana, yoohirakalla.

Levitiko 4:3

“Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.

Levitiko 5:15

“Muthu eera ddeko moohiroromelleya, voohivelleellani ddeko ddoopatuleya ddoophwanella ovelleella wa Apwiya koma moohidduwella, avelleelle wa Apwiya mukutho woolliva ekaamba ya nichimo nayenno. Mukuthweene okhalle nankhoro a enkhosa yoohirakalla nave mutengo wa enkhoseeyo okhalle wa makobiri manchichi, voothwarani yoolingella yoopatuleya. Yooyo sika mukutho woolliva.

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 14:10

“Va nllapo naneetthanu ni raru, muthooyo aakuse anamwani a nankhoro a enkhosa eelli oohirakalla, mwaanaankhosa aamutthiyana mmodda oohirakalla amuyakha mmodda, yoovelleella ya othu waphaama woollemella makilogaramu mararu woottakanyihera ni makhura navettho makhura ookwakhwana nimodda mwa magawo mararu a nilita.

Levitiko 16:3

Koma Aronooyo avolloweke mu nipuro naweellesesanno amukusalle musaana a nankhoro a eng'ombe wi akhalle mukutho woopepesella machimo ni nankhoro a enkhosa wi akhalle mukutho wooshellelliha.

Levitiko 16:5

Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.

Levitiko 23:12

Va nllapo nno munaatukhullelleenyu muddullu mutolooyo, mumuvelleellettho nankhoro a enkhosa ya muyakha mmodda oohirakalla wi akhalle mukutho wooshellelliha woovelleelliwa wa Apwiya.

Numeri 6:14

nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Numeri 19:2

“Apwiya enalamula wi mwaalleelle Aisraele wi ewe ni musote wa eng'ombe woofiira ni woohirakalla oyo ohinamakiweke nigoli.*