Hoseya 9:9 - Mawu a Mulluku

⁹ Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Hoseya 9:9 ပူးပေါင်းရင်းမြစ်များ

Hoseya 10:9

Apwiya enallalleya wi, “Aisraele aakhalla echimwaka waambeella mvo yachimwalliiwa o Gibea. Sika eneerogonjihiwa o Gibea wenko.

Oweeruza 19:16

Vatulli viwa yaamoona muthu mmodda awuulluvalla avenyeraka omuttekoni waye omata misikuwa. Aari a mu ellapo yamiyaango ya Efuremu koma akhalla o Gibea. (Aneena a wenko yaari Abenjamini).

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Yesaya 31:6

Nyu Aisraele, hokollweellani wa Apwiya ayo mwaawukilalleenyu wunchichi.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Oweeruza 19:12

Apwinnyaalle yaamwaakhulla wi, “Khanihapuwa ovollowa mu muzinda wa alleto ayo ehiri Aisraele. Koma nineerovirellella naphiye o Gibea.”

Oweeruza 20:43

Yaawaapheella Abenjaminaayo ewiikariha nave ewoononga moohiweerella echifundo ophiya o echigawo ya wookhuma nndduwa wa Gibea.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Hoseya 9:8

Namallotella sika owaachenjeza Aefuremu, athu a Mulluku. Koma namallotellooyo aamureya musampha mu ettilla ddaye ddittheddene nave adanaaye aamwiipitthella mu enyumba ya Mullukwaaye.

Zefaniya 3:7

Kaganiza wi athwaaka ennakoova, khetiwalla malamulwaaka, eneerewuupuwella ehuddihwaaka. Koma sika vano ettepilliiwa weera ddoonanara va mitteko ddiwa ddittheddene.”

Eksodo 32:7

Vano Apwiya yaamulleella Mose wi, “Akuva, kittha mwaango vawi athwaawo waakhumihalleewe o Iguputwaalle aachimwa nave aakikhoota wunchichi.

Oweeruza 19:22

Yachiiwa moohakallalla, yaawoona athu a m'muzindanimmo, athu oonanara, yaaphenlle enyumbeeyo yuukuthaka nchiwi. Yaamulleella muthu awuulluvalloolle, mwaneena a enyumboolle wi, “Mukhumihe muthu olle awiille mpa mwawo wi nikonena.”

Ezekiele 21:28

“Vano we mwaana a muthu, llotella wi voollotani dda Aamoni ni okivevulla wiwa, mi Apwiya Mulluku kinallota wi, ‘Nsupada, Nsupada! Noohullulliwa wi noononge, noopukutiwa wi niiphe wi nisherime wonanko ettari.’