Hoseya 9:8 - Mawu a Mulluku

⁸ Namallotella sika owaachenjeza Aefuremu, athu a Mulluku. Koma namallotellooyo aamureya musampha mu ettilla ddaye ddittheddene nave adanaaye aamwiipitthella mu enyumba ya Mullukwaaye.

Hoseya 9:8 ပူးပေါင်းရင်းမြစ်များ

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Ezekiele 3:17

“We mwaana a muthu, kohuutthoolla wi okhalle owehera a Aisraele. Wiiwa mawaaka waachenjezeke.

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

Yesaya 62:6

We Yerusalemu, va mipanda ddawo kohaahiyavo alonda, otthaana ottheene ni mahiiyu mattheene khaweera ellapo tuu. Nyu munawuupusa Apwiya, muhiithuuwe.

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Ezekiele 33:7

“Koma we mwaana a muthu, kohuutthoolla wi okhalle mulonda a Aisraele. Wiiwa mawaaka waachenjeze.

Maliro 4:13

Ddenndda ddaheereya ekaamba ya machimo a anamallotelliiwa ni ddoonanara dda allupa mukuthwiiwa ayo yawiiphalle oolungama.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Yeremiya 31:6

Enthawi eneerophiya yawi alonda oomiyaangoni dda Efuremu enaakhuwiiwa wi, ‘Hankoni niye o Ziyoni, wa Apwiya Mullukwaahu!’ ”

Yeremiya 14:13

Koma miyaano kaallota wi, “Ha, nyu Apwiya Mulluku, anamallotelliiwa enaalleella athu wi khewa ekhwa ni ekhoto nave khamuwa mumora ettalla mwiillaponi mwahu koma munaakhalle murendelleve.”

Yeremiya 6:17

Kahuuvahani alonda wi yuuchenjezekeni vawinllani nipallapata. Koma mwaallota wi, “Khenaapella maaru.”

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Nchipo na Solomoni 3:3

Alonda yaakiphwanya mvo yeetelliiwa muzinda. Kahaakoha wi, “Ethiyo moomoona a vamurimani vaka?”

2 Mamwene 13:21

Nllapo nimodda Aisraele amodda emuvitthaka mukhwiiwa yahoona mulloko wakhoto wa Amowabu. Sika yaavokhella mutembooyo mu mahame a Elisha ethawa. Muthu ookhooyo attannyilleeye makhuva a Elisha aahihimuwa nave ahiimella.

2 Mamwene 7:19

Sika oorumeyella oororomelleya aamwaakhulla Elisha muthu a Mulluku wi, “Naari Apwiya mwaneena eniithellelle murimu awaata mwawiidde ddenndda ttuuweereya?” Mvo sika Elisha amulleellilleeye wi, “Oneerewoona ddenndda ni miitthwaawo koma khowa ocha.”

2 Mamwene 7:2

Vano mulangizi oororomelleya amwene aamukoha muthu a Mulluku wi, “Naari Apwiya aneena emurupihalle murimu munchichi mwawiidde, ddenndda ttuuweereya?” Nave Elisha aallota wi, “Ddawoona, oneeroddoona ddennddo ni miitthwaawo koma khoddicha.”

2 Mamwene 5:27

Sika vano makate a Naamani eneerewuwanddeellella ni edduullu ddawo wa enthawi yoohimalla.” Sika Gehazi aakhuma mpammo ari ni makate awi puu wonanko ntuura.

2 Mamwene 5:14

Sika Naamani aakitthella o Yordani akhumbudda m'maaddinimmo otthanu ni opiilli monga namallotella alamulelleeye. Vaavo aachira nave mwiillaaye waakhalla wonanko wa mwaana, sika aachirihiwa.

2 Mamwene 4:43

Koma oorumeyellaaye aamukoha wi, “Ethiyo yoocha yeella ttuuwaakawella athu 100?” Elisha aallota wi, “Akawelle athwaayo vawi Apwiya enallota wi, ‘Athwaayo eneerocha nave yoocheeyo eneerohalla.’ ”

2 Mamwene 4:41

Vano Elisha ahaalleella wi, “Muweena othu.” Olliye aawuhella mukarikhoni allota wi, “Akawellenittho athu yoocheeyo wi eche.” Nave kheyaaphwannyemottho ddawoopiha mukarikhonimmo.

2 Mamwene 2:21

Vano Elisha aaya o neetuutu, ahellawo mwiinyu oneetuutuninko voollotani wi, “Apwiya eni, ‘Maaddi yaalla kohaachiriha. Waambeella ollello oya muhoollo m'maaddini yaalla khamuwa mukhalla yawiipha apaalle yoolepheliha ethaya wimmiha mmiddo.’ ”

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

1 Mamwene 22:28

Mikaya aallota wi, “Mwahokollowawo phaama sika wi Apwiya khellotille oweella mwa miyaano.” Nave aavirellella wi, “Nyu athu attheene, iwani killotilleeminndda!”

1 Mamwene 22:22

Vano Apwiya yaawukoha wi, “Onaamulleke mwawiidde?” Munepooyo waawaakhulla wi, “Kinaya kalloteke ddawoottha oyeella mwa anamallotellaaye attheene.” Sika Apwiya yaallota wi, “Weera ddiiddo, oneeropambana. Khawe wamulleke.”

Aroma 3:7

Koma weera ddoonanara waka waavelleellaka ntitimiho wa Mulluku wooniha wi olliye tti awoona kaambiiwa tini wi miyaano keeriweemi oochimwa?

1 Mamwene 22:11

Vano Zedekiya mwaana a Kenana ahiihanella manyaka amikoko allota wi, “Apwiya enallota wi, ‘Ni ddenndda muneerewaagonjihella Asiriya ophiyera yoonongeyille.’ ”

1 Mamwene 22:6

Vano mwene Ahabu ahaatthukumaniha anamallotellaaye 400 aakoha wi, “Ethiyo kiye kawane ekhoto ni Ramoti Giliyadi apaalle kihiyeewo?” Anamallotellaayo yaamulleella wi, “Khaweni vawi Apwiya eneerowuvelleella muzindooyo m'mattani mwanyu.”

1 Mamwene 18:19

Sika vano rumihani othenga wi mwaatthukumanihe Aisraele wi kakumanena va mwaango wa Karimele. Muweena anamallotella a Baala 450 ni anamallotella 400 a Asherimu ayo enacha wa Yezebele.”

1 Mamwene 18:1

Viviralle mallapo manchichi, muyakha waneeraru wa ettalla, mawu a Apwiya yaawa wa Eliya wi, “Khawe waddoonihelle wa Ahabu. Kineeromurupiha murimu va ellapo yavatthi.”

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Masalimo 124:7

Nohoopowa wonanko epallame mu musampha wa athu oosaya. Musampha wohinttakeya hiyaano noovulluwa.

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Yeremiya 23:13

Variyari va anamallotella o Samariya kohoona yoonanara, yallotella mu nnddina na Baala, sika yahaahollosa athwaaka Aisraele.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”