Hoseya 9:7 - Mawu a Mulluku

⁷ Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Hoseya 9:7 ပူးပေါင်းရင်းမြစ်များ

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

2 Mamwene 9:11

Vano Yehu ahokollweelle wa oohoollella akhwaayaalle, yaamukoha wi, “Ethiyo tti waphaama? Mullupaanepoolle aasha tini wa nyuwaano?” Olliye ahaakhulla wi, “Munnamudduwella muthoolle ni ddoollota ddaye ddene.”

Mariko 3:21

Abalaaye yiiwalliiwa ddenndda yaawa wi emukuse kaambiiwa yaganiza wi tti mullupaanepa.

Ezekiele 13:3

Mi Apwiya Mulluku kinallota wi, ‘Otulli anamallotella ookarangeya ayo enallotella dda m'muruni mwiwa, ehoonille erive ello yoovenyera wa miyaano.

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Yeremiya 10:15

Mafano khenna mutteko, tti oophwanella waavevulla, voollakiwani eneerewoonongiwa.

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

2 Akorinto 5:13

Naari nooneyaka wonanko athu oohiphara muru niri ddiidda wi nimutitimihe Mulluku. Komattho naari nooneyaka wonanko eezeru niri ddiidda ekaamba yawuukaviherani nyuwaano.

Luka 21:22

Vawi enaakhalle mallapo oohokollosellana wi ddittheddene ddalembiwe mu mawu a Mulluku ddikwakhwanihiwe.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Ezekiele 13:10

“Ddawoona, anamallotella yaanaahollosa voollotani wi oneerokhalla murendelle koma ohiri murendelle nave athu yamaka esiri yoohillipa nave anamallotella yaanayireeriha ni otooto waweella.

Yeremiya 29:26

“Apwiya yahuutthoolla we Zefaniya wi okhalle mullupa mukutho munipuroni mwa Yehoyada. Ohuukeraatthiha wi okhalle kapitawo oowehera enyumba ya Apwiya. Omuhiyeke mundende ni ommakellella namang'ona arive muthu aanepa anaddeesa wi tti namallotella.

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Hoseya 9:8

Namallotella sika owaachenjeza Aefuremu, athu a Mulluku. Koma namallotellooyo aamureya musampha mu ettilla ddaye ddittheddene nave adanaaye aamwiipitthella mu enyumba ya Mullukwaaye.

Ezekiele 38:23

Mmu sika kinaawoonihelleemi wi mi tti amasiva ni aweella nave kineerodduwanyeya wa athu a mitundu ddittheddene sika eneerodduwella wi mi tti Apwiya.”

Ezekiele 25:17

Kineerewaahokollosella ddoonanara mwawoopiha ni waallaka moowalli. Kaallaka ddiiddo eneerodduwella wi mi tti Apwiya.”

Yeremiya 46:21

Akhoto aganyu ariiyena, tti wonanko asaanaang'ombe ooneneva. Alliwattho aahokollweella mutulli nave aathawa vamodda, khaavo allipihenlle. Ddawoona, enthawi ya otulli yahaamorella, sika enthawi yawaallaka.

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Yeremiya 11:23

Khavulluwa naari mmodda vawi kineerowoononga athu a o Anatoti waphiya muyakhiiwa wa ollakiwa.”

Yeremiya 8:11

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yeremiya 6:14

Ennavolliha makhwata a athwaaka vaddulluve. Nave enallota wi, ‘Murendelle, murendelle,’ koma ohiri murendelle.

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

Yesaya 34:8

Ella sika enthawi eyo Apwiya eneeriiwa yaahokolloselle adani a Ziyoni ni waateteza athwiiwa.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yeremiya 23:13

Variyari va anamallotella o Samariya kohoona yoonanara, yallotella mu nnddina na Baala, sika yahaahollosa athwaaka Aisraele.

Yeremiya 25:14

Alliwa enaakhalle akaporo a mitundu ddinchichi dda athu ni mamwene oovuwa. Sika kineerewaahokollosella moollikana ni ddaweera ddiwa ni mitteko dda mattiiwa.”

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 5:9

Efuremu aneerotthattuwa ntepe va echiweruzo. Kinallalleya ddawoona wa nyu Aisraele attheene.