Hoseya 9:6 - Mawu a Mulluku

⁶ Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Hoseya 9:6 ပူးပေါင်းရင်းမြစ်များ

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 7:16

Ennarukunuwella wa mulluku oohikhalla ni mutteko woohikhalla wa Mulluku ookhwaranya ddittheddene. Tti wonanko muura woollova. Owaahoollelliiwa eneerewiiphiwa ni nsupada ekaamba yawi ennakillotella ddeepewe. Sika a o Iguputo eneerewaattheya wunchichi.”

Yesaya 7:23

“Yaphiya enthaweeyo, emata ddampesa ddaphaama nnddo ddiri ni miteekho 1,000 nave mutengwiiwa tti makobiri a siliva 1,000 muneeromella miiwa ddoohiyanahiyana.

Hoseya 11:11

Eneeroowa etthukumellaka wonanko epallame ovenyera o Iguputo. Eneeroowa wonanko manddiya ovenyera o Asiriya. Sika kineerewaahokollosella owaniwa. Mi Apwiya koollota.”

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Yesaya 34:13

Miiwa ddoohiyanahiyana ddineeromella mu enyumba ddaye ddakhoto ddooteteziwa ni m'mipandani mwaye. Nave ninaakhalle nipuro na akhatwe ni owaniwa wa nthiwatiwa.

Yesaya 32:13

Miiwa ddoohiyanahiyana ddinamella va ellapo ya athwaaka. Ddawoona, inllellani enyumba ddittheddene nnddo yakhalliiwamo moottaphuwa navettho muzinda oyo waari ni ehakallallo.

Yesaya 27:12

Nyu athu a o Israele, Apwiya eneerewaatthukumaniha athwiiwa mmoddammodda ovenyera o Yufurate ophiya o muhinje wa o Iguputo.

Yesaya 19:13

Enduna dda o Zowani ddootthattuwa ddookarangeya nave anamwani amamwene a o Memfisi yoollekiwa. Oohoollella a Aiguputo yoovirikaniha ellapwiiwa.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Miyambo 24:31

Ngoonani, virive veko vaamella miiwa, mutthemwene mwaamella manasi nave mpandiiwa wa malluku waakumuwa.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

2 Mamwene 13:7

Enthawi yeeyo Yehowahazi khaarina mulloko wakhoto muullupalli. Aari ni akhoto 50 oowella va akavalo, magareta khumi ni akhoto 10,000 aweeta vatthi vawi mwene a o Siriya aari awoonongille khalle akhoto anchichi ni waatthattusa nthupi.

1 Samuele 13:6

Aisraele yoonilliiwa wi aapaneya vawi yaananyingallelliwa wunchichi, yaaya yiipittha m'makhunguni, m'mallitini, m'mallukuni, m'mitthipiddani ni mwiihimeni.

Yeremiya 2:16

Aiguputo a o Memfisi ni a o Tapanesi, aaphura miru ddanyu.

Yeremiya 42:22

Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Yeremiya 44:1

Mawu a Apwiya yaawa wa Yeremiya oollota dda Ayuda ayo yakhalla o ellapo ya Iguputo o Migidoli, o Tapanesi, o Memfisi o echigawo ya Patirosi wi,

Yeremiya 46:14

“Mullalleye o Iguputo, o Migidoli, o Memfisi ni o Tapanesi. Alleelleni athu a wenko wi, ‘Imellani vanipuroni vanyu nave mukhozeke, vawi ekhoto eneerowoononga ddittheddene muriinyuna.’

Yeremiya 46:19

Nyu a o Iguputo mummake katundwaanyu a wuukaporoni vawi Memfisi aneerotthattuwa echipululu, wonanko ntepe moohikhalla athu.

Ezekiele 30:13

“Mi Apwiya Mulluku kinallota, Kineeromalliha mafano ni woononga milluku ddoohikhalla ni mutteko dda o Memfisi. Khowa okhallattho mwene a o Iguputo nave kineerowoopopiha attheene ookhalla mwiillaponimmo.

Ezekiele 30:16

Kineeromushellelliha Iguputo muttheene nave Peluziumu aneerohoowa wunchichi. Mipanda dda o Thebesi ddineerokumulliwa nave esiri ddiwa ddineerokumulliwa.

Hoseya 2:6

Sika ekaamba ya yeella kineeroyiwalla ettillaaye ni miiwa. Kineeromwaapheella ni esiri wi ahoone musewu.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Zefaniya 1:11

Nyu ookhalla wookittha, opani ekutho vawi ookulliha malonda attheene aatthollowa, attheene oomukulliha siliva ahoonongeya.

Levitiko 26:33

“Kineerowiikarihani ni nsupada. Nave kineerewuupallallesani variyari va mitundu ddimodda nave Ellapwaanyu khekhalla ni athu nave mizinda ddanyu ddineerotthattuwa matepe.

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.

Yeremiya 44:13

Kineerewaallaka Ayuda ookhalla o Iguputo wonanko mmo kaallakelleemi o Yerusalemu.