Hoseya 9:17 - Mawu a Mulluku

¹⁷ “Mullukwaaka aneerewaakhoota athwaaye vawi kheyaamwiiwellelle. Eneerokhalla oothawathawa variyari va mitundu ddimodda.”

Hoseya 9:17 ပူးပေါင်းရင်းမြစ်များ

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Mitteko 3:23

Arive muthu ahinaamwiiwellelle namallotellooyo aneerewoonongiwa variyari va athu.’

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Yesaya 48:18

Wiiwellenlleke malamulwaaka, murendellaawo weerokhalla wonanko muhinje, echilungamo wonanko ephevo ya va enyanja.

Amosi 9:9

“Vawi kineerolamula, kineerewaatikhella Aisraele nngu ni nngu variyari va mitundu ddittheddene dda athu wonanko mmo enaveethella etthello ovenyihamo ddoohikhalla ni mutteko ddittheddene.

Hoseya 4:10

Eneerekoocha koma khevonaka, eneerekoraruwa koma kheyaataka vawi ahaahiya Apwiya yiivelleella o ddooraruwa.”

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

Nehemiya 5:19

Nyuwaano Mullukwaaka, upuwellani ddaphaama ddittheddene kiweerelleemi athwaalla.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

2 Epilli 18:13

Koma Mikaya aallota wi, “Kinimallupella vamiitthoni va Apwiya wi kinaallote nnddo Mullukwaaka anaakilleelleeye.”

Deuteronomo 32:26

Kineerewaatthollosa attheenaayo, wi ehuupuwelliwe ni arive muthu.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 7:35

Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Amosi 8:2

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Yeremiya 6:30

Alliwa tti wonanko siliva ootathilliwa vawi Apwiya ahaakhoota.”

Deuteronomo 4:25

“Naari mwakhalla mwiillaponimmo enthawi yoorekama ni waayara anamwani ni edduullu muhiwe muhollowa voopangani nifano na erive mooneyello ni weera ddoonanara vamiitthoni va Apwiya Mullukwaanyu nave sika ddineerewaashiha murima.

Deuteronomo 4:27

Apwiya eneerewuumwarani variyari va mitundu ddimodda nave aweerengeyave mwa nyuwaano sika enaahalle variyari va mitundu ddimodda nko Apwiya enaawiikarelleniiwawo.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.