Hoseya 9:15 - Mawu a Mulluku

¹⁵ Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Hoseya 9:15 ပူးပေါင်းရင်းမြစ်များ

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”

1 Samuele 7:16

Orive muyakha Aakhalla ni olendo wowaapheella oya o Betele, Giligala ni o Mizipa. Anaweeruzamo Aisraele mutthemwenemmo.

Zefaniya 3:3

Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Amosi 5:27

Vano kineerewuurumihani wuukaporoni wuuteete ni muzinda wa Damasiko.” Mi Apwiya Mulluku Amasiva Mattheene koollota.

Amosi 4:4

“Waani o Betele, onipuroni naweella wi muchimwe, mwaanjerere ddoolakwa ddanyu o Giligala. Muweekena mikutho ddanyu orive ohinase ddaneekhumi ddanyu erive mallapo mararu.

Hoseya 9:17

“Mullukwaaka aneerewaakhoota athwaaye vawi kheyaamwiiwellelle. Eneerokhalla oothawathawa variyari va mitundu ddimodda.”

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Hoseya 7:2

Koma khenaganiza wi kinnuupuwella mitteko ddiwa ddoonanara. Ddoolakwa ddiwa ddohaahuruwella nave kheddinavenyamo m'mwiitthoni mwaka.

Hoseya 4:9

Vano allupa mukuthwaayo kineeroweerella nnddo kinaaweerelleemi athu. Kineerewaallaka ekaamba ya makhallellwiiwa oonanara ni waahokollosella mitteko ddiwa ddoonanara.

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Hoseya 1:9

Vano Apwiya yaamulleella Hoseya wi, “Omuvahe nnddina nawi, Khe Athwaaka. Vawi nyu Aisraele khamuhiyo athwaaka nave miyaano ngihiyo Mullukwaanyu.”

Hoseya 1:6

Gomeri aakhallattho ni erukullu amuyara mwaana aamutthiyana. Apwiya yaamulleella Hoseya wi, “Omuvahe nnddina nawi Khanakondiwa. Vawi Israele ngimukondattho nave ngimukhululukella.

Ezekiele 23:18

Mutthiyanooyo aanararuwa mooddoonihella nave aanooniha epwillimwinddaaye moohiwulliwa muru. Sika kaananariwana wonanko mmo keerelleemi ni muullupallaaye.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Yeremiya 11:15

Apwiya enallota wi, “Ethiyo nyu ookondiwaaka munaashamo tini mu enyumbaaka vawi moheera ddoonanara ddinchichi? Ethiyo ollupella wanyu ni enama ddoovelleelliwa o mikutho ddanyu ttuuwuutetezani o otullaanyu? Ethiyo ddoonanara ddanyunnddo ttuuwuuhakallallihani?

Yeremiya 5:5

Vano kineerooya wa oolamulella, kineerollota ni alliwa. Vawi alliwa sika enaadduwelle ettilla ya Apwiya, eniiwesesa ddoopaalla Mullukwiiwa. Koma kahoona wi yahinttaka nigoli* niwa, yaaphadda onyolwiiwa.

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Masalimo 78:60

Aahiya nipuro naye o Shilo nko akhalleeye, musasa oyo akhalleeyemo variyari va athu.

Yoswa 10:43

Ddimanlle ddenndda Yoswa ni akhotwaaye yaahokollweella omisasani ddiwa o Giligala.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

Mitteko 5:21

Amurummwaayo yahiiwellella nave ohinase yaavollowa mu enyumba ya Mulluku yaamba ohuddiha. Mullupa mukutho muullupalli ni akhwaaye yaawiithana attekweene attheene a millatu a Ayuda omutthukumanoni wa vanthatoni namillatu. Vano yahaarumiha akhoto ondende wi yaakuse amurummwaalle eweena vamiitthoni viwa.

Yeremiya 12:8

Yoohallanaaka yookitthattuwella mukango wamuutthakoni, enakithurumella moowalli, sika ekaambiiwa kinawiitelleemi.

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.