Hoseya 9:13 - Mawu a Mulluku

¹³ “Nyu Apwiya mmo kinoonelleemi, anamwani a Aefuremu eneerokhalla wonanko enama ddoottakhuniwa. Aefuremu eneerewaahoollella aniiwa okhotoni nko eneeriiwa yiiphiwe.

Hoseya 9:13 ပူးပေါင်းရင်းမြစ်များ

Ezekiele 27:3

Omulleelle Tiro muzinda wookhalla vadoko va enyanja, oyo oneera malonda ni athu a mitundu dda o ellapo ddinchichi dda mukhwipi mwa enyanja wi mi Apwiya Mulluku kinallota wi, ‘We Tiro wookhalla ollotaka wi tti ooreera wunchichi.

Amosi 7:17

“Vano Apwiya enallota wi, ‘Mwaariyo aneerotthattuwa ooraruwa m'muzindanimmu. Anaawo aallopwana ni aatthiyana eneerokhwa ni nsupada. Ellapwaawo eneeroyikawakawa, waakawella athu amodda, weyaano onaakhwelle mu ellapo yooripihiwa, Aisraele eneeropharelliwa wuukaporoni woorekamella ni owaniwa.’ ”

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Hoseya 13:8

Kineerewaaphara wonanko echimbalangondo yawaakhiwa aniiwa, kineerewinttaka epararu ddiwa, kineerewaaparulla mowaashella murima wonanko mukango nave kineerewaakhaddulla wonanko enama yawoopiha.

Hoseya 10:14

Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Hoseya 9:16

Efuremu ari wonanko muteekho woophaddiwa oyo misisi ddiwa ddummalle nave khowa wimma ezipaso. Naari athwaayo yaayare anamwani, kineerowiipha aniiwa ookondiwaayo.”

Yeremiya 9:21

Okhwa woowella m'mawindoni mwahu, woovollowa mu enyumba ddahu dda omwene. Waawiipha aniihu m'misewuni, waahaamalliha asombwaahu m'mathatoni.

2 Mamwene 15:16

Menahemu voolendwaaye ovenyera o Tiriza ahoononga muzinda wa Tapuwa ni athu attheene yaari mwemmo woonjereravo ellapo ettheene yawaapheella vawi alliwa kheyaamugonjenlle. Aawiiphattho ni waaphulla atthiyana eerukullu a m'muzindanimmo.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Yobu 27:14

Anaaye yaateve mwawiidde, attheene enaamalle ni nsupada, edduullu ddaye ddineerorama yoocha.

Maliro 2:22

Wonanko mmo muniithanelleenyu o ehakallallo, tti mwemmo mukiithanelleenyu ddawoopiha ovenyera o embali ddittheddene. Nyu Apwiya, va nllapo na osha murima wanyu, khaavo oyo awonre othawa apaalle ovulluwa. Attheene kaayarilleemi ni waalleella, adanaaka yaawoononga.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.