Hoseya 9:12 - Mawu a Mulluku

¹² Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Hoseya 9:12 ပူးပေါင်းရင်းမြစ်များ

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Hoseya 9:16

Efuremu ari wonanko muteekho woophaddiwa oyo misisi ddiwa ddummalle nave khowa wimma ezipaso. Naari athwaayo yaayare anamwani, kineerowiipha aniiwa ookondiwaayo.”

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Deuteronomo 31:17

Ddeereya ddennddo, kineerewaashella murima wunchichi, kineerewaahiya nave eneerewoonongeya. Ddoohoosa ddawoopiha ddinchichi ddineerewaamorella. Nave nllapo nenno eneerodduwella wi ddenndda ddohaamorella ekaamba yawi miyaano, Mullukwiiwa, ngirittho ni alliwa.

Hoseya 9:13

“Nyu Apwiya mmo kinoonelleemi, anamwani a Aefuremu eneerokhalla wonanko enama ddoottakhuniwa. Aefuremu eneerewaahoollella aniiwa okhotoni nko eneeriiwa yiiphiwe.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Yeremiya 15:7

Kahaapallallesella nngu ni nngu, wonanko mmo eneerelliiwa vooveethani ni etthello. Kaawoononga athwaaka ni aniiwa kaambiiwa kheyaapanlle ohiya ddoonanara ddiwa.

Yobu 27:14

Anaaye yaateve mwawiidde, attheene enaamalle ni nsupada, edduullu ddaye ddineerorama yoocha.

2 Mamwene 17:23

ophiyera Apwiya yahaavenyiha Aisraele moollikana ni mmo yallotelliiwa oyeella mwa oorumeyelliiwa attheene, anamallotella. Sika Aisraele yaaphariwa okaporo evenya mwiillaponi yoowaniwa eya o Asiriya nave eri wenko ophiyera ollello.

2 Mamwene 17:18

Sika Apwiya yahaashella murima Aisraele nave yaawiikara ohipaalla owoonattho. Khaarivo naari mmodda ahanlle opatula nlloko na Yuda.

1 Samuele 16:14

Enthawi yeeyo Munepa wa Apwiya waavenyamo mwa Saulo. Nave munepa woonanara, woovenyera wa Apwiya wahaamba omukatamiha.

Oweeruza 4:16

Baraki ahaathwara magareta ni akhotwaayo aphiya o Harosheti Goyimu nave akhoto attheene a Sisera yahiiphiwa ni nsupada. Khaavo naari muthu mmodda oyo avulluwalle.

Deuteronomo 28:32

Aniinyu aallopwana ni aatthiyana eneerophariwa okaporo ni alleto, nyuwaano moonaka ni miitthwaanyu. Nave nllapo ni nllapo munaakhallelleke oweha ottilla wi apaalle aniinywaayo ttuuhokollowa koma khamuphuravo ello.

Numeri 26:65

Valle dda alliwaayo Apwiya yaallota wi, “Eneerokhwella muchipululuni.” Khaavo oyo ahallille variyari va alliwaayo omupatula Kalebe mwaana a Yefune ni Yoswa mwaana a Nuni.

Yeremiya 6:8

We Yerusalemu, hudderavo ello wi echikondaaka va weyaano ehimalle nave kihuutthattuse echipululu, ellapo yoohikhallamo athu.”

Malaki 2:12

Arive muthu aweera ddenndda Apwiya emuvenyihevo variyari va athu a Yakobo. Sika yaalla ehikhallevottho voovelleellani mikutho wa Apwiya Amasiva Mattheene.

Numeri 14:34

Muneerollakiwa wa miyakha 40 ekaamba ya machimwaanyu. Orive muyakha oniimellelleke nllapo nimodda na mallapo ayo mwazondilleenyu ellapo. Muneerodduwella woopiha wiwa kuushellani murima.’

Deuteronomo 28:18

“Apwiya eneerotembelela ezipaso dda m'mwiillini mwanyu, ezipaso dda m'matani mwanyu ni asaana a eziweto ddanyu.

Maliro 2:22

Wonanko mmo muniithanelleenyu o ehakallallo, tti mwemmo mukiithanelleenyu ddawoopiha ovenyera o embali ddittheddene. Nyu Apwiya, va nllapo na osha murima wanyu, khaavo oyo awonre othawa apaalle ovulluwa. Attheene kaayarilleemi ni waalleella, adanaaka yaawoononga.