Hoseya 9:10 - Mawu a Mulluku

¹⁰ Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Hoseya 9:10 ပူးပေါင်းရင်းမြစ်များ

Hoseya 4:14

Koma ngaallaka aniinyu aatthiyana ni avokohaanyu ekaamba ya oraruwa wiwa. Vallethi allopwananyu ennararuwa ni mahule voollapellani nave munnaheraatthi mukutho vamodda ni alliwa. Athu oohikhalla ni ezeru ddiidda eneerewoonongeya.

Yeremiya 11:13

Ddawoona, we Yuda, milluku ddawo tti ddinchichi wonanko mizinda ddawo. Makuwa oovelleellellavo mukutho wa Baala oowulliha muru tti manchichi wonanko misewu dda mu Yerusalemu.

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Hoseya 2:15

Wenko kineeromuhokollosella emata ddaye ddittheddene ddampesa. Kineeronitthattusa ntapo na ddookatamiha wi nikhalle mullako wa otiyerella. Wenko aneerekokaakhulla wonanko mmo eerelleeye va enamwanaaye akhumalle o Iguputo.

Ezekiele 20:8

Koma yaakiwukila ekhoota okiiwellella. Khaavo naari mmodda oyo atathillalle ddoonanara ddaye nnddo ddamuhakallalliha nave khaavo naari mmodda oyo ahiyalle mafano a o Iguputo. Vano kaaganiza ddoowoonihella owallaaka ni osha murima waka o Iguputo wenko.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Hoseya 11:1

Apwiya enallota wi, “Israele aariiye mwaana kaanamukonda, kaamwiithana mwanaka wi akhumewo o Iguputo.”

Yeremiya 31:2

Mi Apwiya koollota. Athu ayo yavulluwalle o ekhoto kaaweerella echifundo mu echipululu. Aisraele yapaalliiwa wiithuuwa

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 28:4

Nave oriiheya wa muzinda olle tti wonanko malluwa ookhalla omwaako wa ntapo na ethaya yaphaama wohaamba onyaalla. Onaakhalle wonanko namukuyu awaamba wiithwa oyo muthu amoona anamurukulleeye ni omucha enthawi yeeyo.

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

1 Mamwene 16:31

Akhalla wonanko ochimwa wa Yerobowamu khewaakwakhwanne. Aamutthella Yezebele, mwaana a Etibaala, mwene a Asidoni, aamba orumeyella ni onillapella nifano na Baala.

Oweeruza 6:32

Ella sika ekaambiiwa va nllapo nenno Gideoni avahiweeye nnddina nawi Yerubaala, ottaphullella wi, “Baala iiteteze yeekha” vawi Gideoni aakumulla nikuwa naye.

Deuteronomo 32:17

Yaaheraatthella mikutho o minepa ddoonanara, nnddo ddihiri Mulluku, milluku nnddo Aisraele yahiddidduwenlliiwa ovenyera khalle, milluku ddoowa osillesille, nnddo makhollwiiwa yahiddillapenlliiwa naari vang'ono.

Deuteronomo 32:10

“Aaphwanyille muchipululuni, ohakani woohikhalla ello. Ahaateteza nave ahaapwatha, wonanko mmo aneerelleeye ni niittho naye,

Deuteronomo 4:3

Mwahoona ni miitthwaanyu nnddo Apwiya yeerelliiwa o Baala Peori wulle Apwiya Mullukwaanyu yaatthollosilliiwa attheene ayo yamullapella Baala.

Numeri 15:39

Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

Masalimo 115:8

Athu ayo enapanga mafanwaayo ephwanaphwanena, emoddamoddave yeeyo ayo enaaroromella.

Yeremiya 3:24

Waambeella khalle, Baala, mulluku oowulliha muru, ohoonongiha mphuro wa mutteko wa makhollwaahu monga enkhosa ni eng'ombe ddiwa, aniiwa aallopwana ni aatthiyana.

Yeremiya 24:2

M'mutaangani wawaamba mwaari namukuyu aphaama wunchichi wonanko awaamba wiithwa. Koma m'mutaangani waneepiillooyo mwaari namukuyu oonanara wunchichi oohiphwanella omucha.

Hoseya 4:18

Yalezela wunchichi ennararuwa. Ennaddivelliwa ddoowulliha muru okhwaranya oriiheya wiwa.

Numeri 18:13

Mwa ddeko ddittheddene dda mwiillaponi mwawo, ezipaso ddawaamba wiithwa nnddo enavelleelliiwa wa Apwiya ddikhalle ddaanyu. Arive muthu oohiripihiwa mu nibanja nawo ttuucha.

2 Mamwene 17:11

Nave athwaayo yoosa lubani* o mapuro mattheene oollapellawo mafano omwaangoni wonanko yeerella athu a mitundu ddimodda ayo Apwiya yawiikanriiwa mwiillaponimmo mvo Aisraelaayo yaphiyiiwa.

Nchipo na Solomoni 3:6

Ethiyo tti tini eyo enavenyera ohakani wonanko mwiisi woottikana, yawunkhella ni mure* ni lubani,* ya ddawunkhella ddittheddene dda amalonda?

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Hoseya 13:5

Tti miyaano kuupwathilleni muchipululuni, ellapo yooviha.