Hoseya 9:1 - Mawu a Mulluku

¹ Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Hoseya 9:1 ပူးပေါင်းရင်းမြစ်များ

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

Yakobo 5:1

Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!

Yakobo 4:16

Koma vano munnakota ni wiitukhulla. Wiitukhulla wenko tti woonanara.

Amosi 6:13

Muniitukhulla wi mwaawugonjiha muzinda wa Lodebara, munallota wi, “Ethiyo khanaagonjihalle muzinda wa Karinaimu weekhiihu?”

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Hoseya 2:12

Kineerewoononga miteekho ddaye ddampesa ni ddanamukuyu nnddo alloteeye wi, ‘Yaalla sika mallivellwaaka ayo ezibwenzi ddaka ddakivahilliiwa.’ Kineeroyitthattusa otthako nave enama ddamuhakani ddineerewoononga.

Ezekiele 21:10

Nohaandusiwa wi niiphe, noopukutiwa wi nasherime wonanko ettari. Ninaahakallalle mwawiidde athwaaka evevullaka ekopwaaka yoollakella?

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

Maliro 4:21

Hakallallani wunchichi, nyu anamwani aatthiyana a Edomu, nyu athu ookhalla mu ellapo ya Uzi. Nyuttho kapu a ddoohoosa eneerewuuphiyerani, muneerolezela ophiyera orulla ddoowara.

Yesaya 17:11

Naari mweerihalle wi mwallimalleenyunnddo ddunnuwe nllapo nenno apaalle ddikhume malluwa ohinase vaavo komave ddoohata ddanyu ddinaamalle va nllapo na ddoohoosa nave ovoreya wene onaakhalle woohimalla.

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

Amosi 4:5

Velleellani wa Mulluku mikutho ddanyu ddoothokoza, mwiitukhullekena ddoovelleella ddanyu ddoopaalla vawi nndda sika munakondeenyu, nyu Aisraele. Mi Apwiya Mulluku koollota.”

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Ezekiele 16:15

“Koma wahiitukhullana oreera ni ovuwa wawo nave wahaamba oraruwa onakona ni arive muthu oovira.

Ezekiele 16:30

Apwiya Mulluku enallota wi, “Murimaawo tti woofooka wunchichi ekaamba yawi vaweerani ddenndda wonanko mutthiyana ooraruwa oohiwulliwa muru.