Hoseya 8:7 - Mawu a Mulluku

⁷ Aisraele ennamidda ephevo nave enamuhata namangalle. Tirigu khanna makalla, khakhalla ni yoocha. Akhanllekena, alleto sika yaache yoocheeyo.

Hoseya 8:7 ပူးပေါင်းရင်းမြစ်များ

Miyambo 22:8

Oyo anaalla ohilungama anahata ddookatamiha, ekopo ya owallaaye eneerewunttakeya.

Yobu 4:8

Kohoona wi enaalla machimo ni omidda ddoonanara, enahata emoddamoddave.

Agalatiya 6:7

Muhiilleke weekhiinyu, khaavo muthu anamoottotthe Mulluku. Athu eneerohata ddennddove yamiddalliiwa.

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Hoseya 7:9

Alletwaayo ennaamalliha masiva koma alliwa khenadduwella. Ahaamba omella embwi koma alliwa khenadduwella.

Hoseya 2:9

Sika ekaamba ya yeella kineeromwaakha tirigwaaka ni vinywaaka va enthawiiwa. Kineeromwaakhattho obweya ni nthoche nnddo anawareeye.

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Yesaya 66:15

Vawi ngoonani, Apwiya eneeroowa ni munllo nave magaretiiwa eneerophiya wonanko ephevo namangalle. Alliwa eneerewooniha vaweella owalliiwa nave eneerewaallaka adaniiwa ni mallumi amunllo.

Yesaya 17:11

Naari mweerihalle wi mwallimalleenyunnddo ddunnuwe nllapo nenno apaalle ddikhume malluwa ohinase vaavo komave ddoohata ddanyu ddinaamalle va nllapo na ddoohoosa nave ovoreya wene onaakhalle woohimalla.

Oollalleya 5:16

Yeellattho tti yoonanara emodda yoomoriha ethakaraka wunchichi wi muthu anaarowe wonanko mmo aweelleeye. Vano mphurwaaye tti tini vawi apharelle mutteko nivuddo?

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.

Agalatiya 6:8

Vawi ayo enamidda m'matani mwa minkhella dda omuthwiiwa, eneerotthukumaniha ddoohata dda okhwa; yamidda m'matani mwa munepa ovenyera wa munepa yooyo eneerotthukumaniha yoohata ya okumi woohimalla.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Maliro 5:2

Yoohallanaahu yoovelleelliwa wa alleto, enyumba ddahu ddiri m'mattani mwa athu oovira.

Hoseya 9:16

Efuremu ari wonanko muteekho woophaddiwa oyo misisi ddiwa ddummalle nave khowa wimma ezipaso. Naari athwaayo yaayare anamwani, kineerowiipha aniiwa ookondiwaayo.”

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Genesis 41:23

Vatulli viwa vaaphuwattho makalla matthanu ni meelli awoonda ni ooshellella ni ephevo yoovenyera wookhuma nndduwa.