Hoseya 8:5 - Mawu a Mulluku

⁵ Nifano na musaanaang'ombe nno a o Samariya enallapelliiwa ninnakinanara. Vano owallaaka wohaakharella wunchichi athwaayo. Vinaavire enthawi yoorekama mwawiidde athu a o Israele wi yeelle?

Hoseya 8:5 ပူးပေါင်းရင်းမြစ်များ

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Miyambo 1:22

“Nyu eenamwani, munaakhalleke eenamwani ophiyera niini? Nyu oovevulla munaavevulleke ezeru ophiyera niini? Nyu ookarangeya, munaayiiteke ezeru ophiyera niini?

Mitteko 7:41

Vano mallapo yaayo yahoopa ello yoophwanaphwana ni musaanaang'ombe, yaaheraatthella mukutho yeeyo nave yaahakallalla ni eyo yoopilliiwa.

Hoseya 8:6

Nifanonno khe Mulluku, anipangille tti muthu eeruso a o Israele. Nifano na o Samariyanna nineeronyenyeya.

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Yesaya 45:20

Apwiya enallota wi, “Tthukumanani vamodda nave muwe. Nyu attheene mwavulluwalle wa athu a mitundu ddimodda, susellani vakhuviru. Khenna ezeru athu ayo enatukhulla mafano amiteekho, enavekella wa milluku ddoohivullusa.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Masalimo 19:13

Muhaakhullelle wi oorumeyellaanyu achimweke phudda ahilamulelliweke ni machimo. Vano kineerokhalla oolungama, ohikhalla ni mullatu wa machimo muullupalli.

Yeremiya 48:13

Sika Mowabu aneerowulliwa muru ni Kemoshi, mullukwaaye, wonanko mmo Israele awulliwelleeye muru ni Betele, mulluku oyo amuroromelleeye.”

Hoseya 13:2

Vano enimachimwave, enniipangella mafano awoopiwa ni siliviiwa. Mafano mattheenaayo tti mitteko dda athu eeruso. Ennallota wi, ‘Velleellani mikutho wa yaalla nave mwaallapelle asaanang'ombaalla vawaakhupaarellani.’

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

2 Epilli 13:8

Vano nyuwaano munaganiza ddoollipana ni omwene wa Apwiya wi muwaakhe ovenyera wa anamwani a Davide vawi nyu muri anchichi nave mookhallana mafano a asaanaang'ombe agolide uupangelleni Yerobowamu wi ekhalle milluku ddanyu.

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Mika 1:7

Mafanwaaye mattheene kineerewaanyenyanyenya nave ddoovelleella ddaye ddittheddene dda mahule ddineerotathillelliwa m'munlloni. Mafanwaaye mattheene kineerowoononga. Emphaso ddaye aakhenlleeye ovenyera wa mahule, amoddattho eneeroddiphariha mutteko voollivellani mahule.”