Hoseya 7:16 - Mawu a Mulluku

¹⁶ Ennarukunuwella wa mulluku oohikhalla ni mutteko woohikhalla wa Mulluku ookhwaranya ddittheddene. Tti wonanko muura woollova. Owaahoollelliiwa eneerewiiphiwa ni nsupada ekaamba yawi ennakillotella ddeepewe. Sika a o Iguputo eneerewaattheya wunchichi.”

Hoseya 7:16 ပူးပေါင်းရင်းမြစ်များ

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Masalimo 78:57

Alliwa yaari oohiroromelleya wonanko makhollwiiwa, yaari oolleka wonanko muura woollova.

Ezekiele 23:32

“Mi Apwiya Mulluku kinallota wi, ‘Oneeromuwiryella kapu oophwanaphwana ni a muullupallaawo, kapu oowallamella ni muullupalli. Athu eneerewuuttheya ni wuuvevulla kaambiiwa kapooyo tti ooddalla wunchichi.

Masalimo 73:9

Vayanoni viwa vinnallota ddoomunyaambusa Mulluku oddullu, nllumi niwa tti noohimakeya va ellapo yavatthi.

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

Masalimo 12:4

Vallethi athu yaalla enallota wi, “Nineeropambana ekaamba ya nllumi nahu, eyano nookhallana, vano anaanigonjihe ttaani?”

Yawuupullulla 13:5

Enama yuullupalli yawoopiheeyo yahaakhullelliwa wi ollotelleke epewe ni omuvevulla Mulluku nave yaavahiwa olamulello waweera ddiidda wa miyeri 42.

2 Petro 2:8

Muthu oolungamooyo akhalla variyari viwa nave nllapo ni nllapo aanahoosiwa m'murimani iiweeye ni woona ddaweera ddiwa ddoonanara.

Yakobo 3:5

Naari nllumittho tti echiwalo eng'onong'ono koma ninniitukhulla wunchichi. Ngoonanittho wunnuwa wa otthako oyo onahelliwa ni mwanamunllo.

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

Mateyu 12:36

“Kinimuulleellani wi va nllapo na echiweruzo muthu aneerewiipiwa mullatu va mawu mattheene oohikhalla ni mutteko ayo aallotilleeye.

Hoseya 11:7

Athwaaka aawanddeellella ddookiwukila. Vano eneerewinlla ekaamba ya nigoli* nno niri va alliwa koma khaavo anaawaavenyihelle.”

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Hoseya 6:4

Koma Apwiya enallota wi, ‘Nyu Aefuremu, kiweereni tini? Nave nyu Ayuda, kiweereni tini? Echikondaanyu ennathiima wonanko ethapo yoohinase, tti wonanko nikame noohillekella wumma.

Ezekiele 36:20

Yaphiya variyari va mitundu ddimodda orive weko yayiiwawo yaaripiha nnddina naka naweella. Ddaari ddiiddo kaambiiwa athu voollotani dda alliwaayo yallota wi, ‘Alla tti athu a Apwiya koma yaavenyihiwa o ellapwiiwa.’

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 3:10

Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

Masalimo 78:37

Murimiiwa khewaari woororomelleya wa olliye, kheyaasungalle echipanganwaaye.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 52:2

We awoottha onaganiza ddawoononga, nllumi nanyu tti wonanko mpeni wawiisha.

Masalimo 12:3

Apwiya, tiyellani eyano ddittheddene ddawoottha, hiihani nirive nllumi nawiitukhulla.

Masalimo 17:10

Ahummiha mirima ddiwa, ennallota mwawiitukhulla.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Malaki 3:13

Apwiya enallota wi, “Mookivaanyiha wunchichi miyaano. Koma munakoha wi, ‘Ethiyo nuuvaanyihalleni tini?’

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Hoseya 9:4

Wenko athu khewa evelleella mikutho dda ddoowirya wa Apwiya. Kheyaahakallallihattho ni mikutho ddiwa. Yoochiiwa enaakhalle wonanko yoocha ya vamalironi. Attheene ayo enaache yoocha yeeyo eneeroripihiwana. Yoocheeyo enaakhalle yoochella ettalla oohikhalla yawi ttuuvelleella wa Apwiya.