Hoseya 7:14 - Mawu a Mulluku

¹⁴ Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Hoseya 7:14 ပူးပေါင်းရင်းမြစ်များ

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Yeremiya 3:10

Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Amosi 2:8

Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yesaya 65:14

Oorumeyellaaka eneerewiipa moohakallalla koma nyuwaano muneerewinlla wunchichi ekaamba yovoreyiwa murima. Muneerewinlla mookhuwa ekaamba ya yookatamihiwa m'murimani.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.

Yakobo 5:1

Vano nyu, athu eeyuuma, ngakiiwellelleni. Inllani moomoriha miitthori ekaamba ya ddoohoosa ddinaawe wa nyuwaano!

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Amosi 8:3

Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Hoseya 13:16

Asamariya eneerollakiwa kaambiiwa yaamuwukila Mullukwiiwa. Eneerewiiphiwa ni nsupada, aniiwa eneerewiiphiwa mowaavaddiha miru ddiwa vatthi nave awariwa ookhalla ni erukullu eneerophulliwa.”

Hoseya 3:1

Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

Yesaya 52:5

Vano mi Apwiya kineere tini vawoona wi athwaakanyu yahuupharani okaporo oohivelleellavo ello? Awuulamulani ennakhuwa moonyindulla ni okillotella epewe moohihiyerera.

Eksodo 32:6

Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.

Maliro 2:18

Inllellani mookhuwa wa Apwiya, nyu mipanda dda anamwani aatthiyana, Ziyoni. Miitthori ddanyu ddiitheye, wonanko maaddi, otthaana ni mahiiyu. Muhikhalle ni enthawi yawiithuuwa, miitthori ddanyu ddihumme.

Hoseya 8:2

Enninllella wa miyaano wi ‘Hi Aisraele ninnuudduwellani nyu Mullukwaahu.’

Hoseya 13:6

Kahaachiha evona koma evonille yahiitukhulla nave yaakitiwalla.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Hoseya 13:9

Kineerowoonongani Aisraele. Ethiyo ttaani anaawukavihereni?’