Hoseya 7:13 - Mawu a Mulluku

¹³ Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.

Hoseya 7:13 ပူးပေါင်းရင်းမြစ်များ

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Yawuupullulla 8:13

Vano kaaweha nave kahiiwa mawu oollotiwa moowella ni epallame ya mpungu eyo yavava muddullu wi, “Otulli! Otulli! Ootulli tti athu attheene enakhalla va ellapo yavatthi vawi angelo araru ehanllaalle eri vakhuviru woopa mapallapatiiwa!”

1 Yohane 1:10

Nallota wi khaninachimweke, ninamweera Mulluku wi tti awoottha nave mawaaye kheri mwa hiyaano.

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Mika 6:4

Valle kahuukhumihani o Iguputo ni owoopollani o ellapo yookaporo. Kaamurumiha Mose wa nyuwaano owaaka Aroni ni Miriyamu wi yuuhoollelleni.

Yona 1:10

Yona aavirellella waalleella wi olliye aathawa Apwiya. Aweetiha echombwaayo yaatthukumella mwawoova wunchichi vawi yaallota wi, “Ethiyo weerille tini?”

Yona 1:3

Koma Yona aavollweella ettilla ehiri yeeyo ni maganizo awi athawe vamiitthoni va Apwiya. Sika aaya o Yopa, nko aphwanyilleeye echombo yooya o Tarishishi, wookhuma nndduwa wa ellapo ya Sipeni. Vano Yona aamuphadda tikiti oowellella echombweeyo nave atimulla olendo wooya o Tarishishi wi athawe vamiitthoni va Apwiya.

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Hoseya 9:17

“Mullukwaaka aneerewaakhoota athwaaye vawi kheyaamwiiwellelle. Eneerokhalla oothawathawa variyari va mitundu ddimodda.”

Hoseya 7:3

Apwiya enallota wi, “Athu ennamukopa mwene ni mitteko ddiwa ddoonanara nave ennaddilleka enduna ddaye ni ddawoottha ddiwa.

Hoseya 7:1

Kaawaachirihaka Aisraele, ochimwa wiwa onnooneyella vaweella nave mitteko ddoonanara dda Asamariya khaddivittheya. Ennaalleka athu, enninttaka enyumba monga allupaawiiya, ennaakha ddeko dda athu vaweella monga anamasikita.

Ezekiele 34:6

Enkhosa ddaka ddaapallalleya ddineeteeta omiyaangoni ni o asimiyaango oorekama. Ddaapallalleyella mwiillaponi ddittheddene oohikhallavo mmodda ooddithwara apaalle oddaashaasha.’

Ezekiele 18:25

Koma nyuwaano munallota wi, Haa! Apwiya eneeriiwanndda khe ddoolungama.” Nyu Aisraele, ngiiwani vano. Ethiyo ddaweera ddaka sika ddihiri ddoolungama? Ohikhalla ddaweera ddanyu sika ddihiri ddoolungama?

Ezekiele 18:2

“Kaambiiwa tini nyu athu a o Israele munaddivelliweenyu wuulluulla mwambi wawi ‘Makhollo aacha mpesa ddoohiithwa koma anamwani sika eruruvanlle miino?’

Ezekiele 16:23

Apwiya Mulluku enallota wi, “Otulli, otulli wa weyaano ekaamba yawi wohoonjerera va ddoonanara ddawo ddittheddene

Maliro 5:16

Enduwiraahu yoomora omuruni, ootulli hiyaano vawi noochimwa.

Yeremiya 42:20

Valle mwaakiruma wi kuuvekelleni wa Apwiya Mullukwaanyu nave wi kuulleelleni erive ello eyo Apwiyaanyu eneeriiwa ellote nave wi muneereweera.

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Yesaya 43:1

Koma vano Apwiya ayo yuuphatusalle we Yakobo ayo yawoopille we Israele enallota wi, “Ohoove kaambiiwa kaawoopolla, kaawiithana ni nnddina nawo, we tti aaka.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Masalimo 106:10

Sika ahaavullusa wa awiitananiiwa, aawoopolla o masiva a adaniiwa.

Yobu 22:17

Alliwa yaamulleella Mulluku wi, ‘Onivenyerevo. Ethiyo Amasiva Mattheene ttuuneerella tini?’

Nehemiya 1:10

Alliwa tti oorumeyellaanyu nave tti athwaanyu ayo mwawooponlleenyu ni masivaanyu muullupalli ni nnatta nanyu neekophollo.

Deuteronomo 15:15

Muupuwelleke wi nyuwaano mwaari akaporo o Iguputo nave Apwiya Mullukwaanyu yaawoopollani. Ella sika ekaambiiwa kinawinnyeemini lamulo nenna ollellova.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Yeremiya 51:9

Amodda yaallota wi, ‘Naheesa omwinnya murete koma khaachinre. Hankoni nimuhiye, nimvenyerevo nave arive muthu aye owaniwa. Vawi mullatwaaye woowella oddullu, woophiya omiraponi.’ ”

Mika 6:12

Athu eeyuuma tti eechiwawa. Athu attheene tti awoottha ni oolleka.

Yesaya 30:1

Apwiya enallota wi, “Otulli wa anamwani ookiwukila mi vaweerani ddawiipangella ohiri dda mi. Enakeraatthiha echipangano yayiwayayiwa oohithwara opaalla waka nave ennavirellella ochimwa.

Yesaya 30:2

Enaya o Iguputo wooveka nikavihero ehikikohille miyaano. Enathawella wa Farao wi aateteze nave enaasha nipuro noovulluwellavo o Iguputo.

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.