Hoseya 7:11 - Mawu a Mulluku

¹¹ Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Hoseya 7:11 ပူးပေါင်းရင်းမြစ်များ

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 11:11

Eneeroowa etthukumellaka wonanko epallame ovenyera o Iguputo. Eneeroowa wonanko manddiya ovenyera o Asiriya. Sika kineerewaahokollosella owaniwa. Mi Apwiya koollota.”

Hoseya 4:11

Apwiya enallota wi, “Vinyo akhalle naari musha annoononga ezeru.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Yeremiya 2:36

Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 2:18

Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Miyambo 17:16

M'mattani mwa muthu ookarangeya munakhallella tini makobiri ookullella ezeru murwaaye oheetaka phaama?

Miyambo 15:32

Oyo anakhoota ohuddera aniivoreya yeekha koma awaakhullella ohumullulliwa annapindula wiiwesesa.

Miyambo 6:32

Koma muthu ooraruwa khanna ezeru vawi aweera ddennddo anaddoononga yeekha.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 9:6

Enthawi yoollakiwa yaphiya, alliwa yapallalleya, Aiguputo eneerewaatthukumaniha wi yaavitthe mu mahame o Memfisi. Ekhwiya ddineeromella va eziwiya ddasiliva. Mpa mwiwa muneeromella miiwa.

2 Mamwene 16:7

Vaavo Ahazi ahaarumiha amithenga wa Tigilati Pilesere mwene a o Asiriya wi allote wi, “Mi tti mwaninyu navettho oorumeyellaanyu. Waani mukaakihe wa mwene a o Siriya ni wa mwene a o Israele ayo enakillika.”

Hoseya 12:2

Apwiya ennawiipa mullatu athu a o Yuda, eneerewaallaka a mu nibanja na Yakobo ekaamba ya makhallellwiiwa nave eneerewaahokollosella moollikana ni mitteko ddiwa.

Obadiya 1:7

awiiwanananaanyu aawiikarani mwiillaponi mwanyu. Athu mwakhalleenyuna mwamurendelle ahuugonjihani, akhwiinyu mwacheenyuna vamodda ahuureyani musampha, enimuunyemullani wi, ‘Ochenjera wiwa ottheene wulle ori wuuwi?’ ”