Hoseya 6:8 - Mawu a Mulluku

⁸ Giliyadi tti muzinda wa athu oonanara, enniiphanana.

Hoseya 6:8 ပူးပေါင်းရင်းမြစ်များ

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Mitteko 25:3

aweerelle echifundo voomukusellani Paulo o Yerusalemu vawi yahiiwanana wi emwiipitthelle va ettilla wi emwiiphe.

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Hoseya 5:1

Nyu allupa mukutho, apellani maaru! Nyu Aisraele attheene, iwani. Nyu a mu nibanja noomwene, reyaani naaru! Mawaaka oollaka eneerewuumorellani ekaamba yawi nyuwaano mwakhanlle wonanko mullapa o Mizipa apaalle mureyille nthavi o mwaango wa Tabori.

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yesaya 59:6

Randasi khanawariwa wonanko ekuwo sika khaniikhuneelliwana. Ddaweera ddiwa tti ddoonanara nave mitteko dda mattiiwa tti ddeechiwawa.

Masalimo 59:2

Kivulluseni wa athu aweera ddoonanara, kaakihereni wa athu oopaalla okimoriha nikhame.

Masalimo 10:8

Anniipittha m'mawaani, annawiipha oohilakwa mwawiipittheya, annaathwara manyallo oorama nikavihero.

1 Mamwene 2:5

Onnadduwella eyo Yowabu mwaana a Zeruya akeerelleeye voowiiphani Abinere mwaana a Neri ni Amasa mwaana a Yetere, akhoto uullupalli eelli a o Israele. Onnuupuwella wi aamoriha nikhame niwa enthawi ya murendelle wi ahokolloselle ddoonanara yeerilliiwa enthawi yakhoto. Aamorihella nikhame niwa va laambaaye ni va esapato ddaye.

2 Samuele 20:8

Enthawi eyo yaphiyiiwa vanllukuni nuullupalli nno naari o Gibiyoni, Amasa aawa wi akumane ni alliwa. Vano Yowabu aawara yoowara yakhoto, vaddullu va yoowareeyo muyuununi mwaakhalla laamba oomakellellavo nigonelo na nsupada. Eeteeye naahullulluwa.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Yoswa 21:38

Ovenyera o nlloko na Gadi yaavahiwa mizinda dda Ramoti o Giliyadi ni mapuro oochihellamo eziweto, muzinda woovulluwellamo muthu oomwiipha mukhwaaye moohikhalla mwaphudda, owaakattho Mahanaimu,

Masalimo 141:4

Muhinaakhullella wi murimaaka otthettemanelle o ddoonanara, kiivelleelle o mitteko ddoonanara, wa athu oonanara, kichekena machellellwiiwa.

Hoseya 12:12

Yakobo aathawella mu ellapo ya Mesopotamiya wenko olliye aaphara mutteko woomullimella mutthiyana. Aanachiha enkhosa wi amutthelle mutthiyanooyo.