Hoseya 6:6 - Mawu a Mulluku

⁶ Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Hoseya 6:6 ပူးပေါင်းရင်းမြစ်များ

Mateyu 9:13

Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Mateyu 12:7

Nave mawu a Mulluku eni, ‘Kinapaalla echifundo ohiri mukuthove.’ Mwadduwenlleke ottaphullella wa mawu yaalla, khamwaaweeruzeke wi aachimwa athu oohichimwa.

Miyambo 21:3

Echilungamo ni echiweruzo ddinnaahakallalliha Apwiya okhwaranya ovelleella mukutho.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Amosi 5:21

Apwiya enallota wi, “Kinniitana nave kinnanyaambusa ehakallallo ddanyu, mitthukumano ddanyu ddamallapello nginahakallallana.

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

Oollalleya 5:1

Opwatheke phaama meetellwaawo waayaaka o enyumba ya Mulluku. Oyeellawo ohuddera tti wookhwaranya oyeellawo ovelleella mukuthove wonanko athu ookarangeya ayo ehinadduwella wi eyo eneeriiwa tti yoonanara.

Yeremiya 22:16

Yaanaateteza athu avatthi ni oohoowa, ddittheddene ddaanaweetella phaama. Ethiyo ddenndda khaddoonihalle wi yaanakidduwella? Mi Apwiya koollota.

Mateyu 5:7

Oodalisiwa tti ayo enaweerella echifundo athu akhwiiwa, vawi Mulluku aneeroweerellattho echifundo!

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yeremiya 7:22

Kaakhumihalleemi makhollwaanyu o ellapo ya Iguputo, ngaalamunle wi evelleelleke mikutho ddooshellelliha apaalle mikutho ddimodda.

1 Yohane 3:6

Sika arive muthu anakhalla mu eyaattano ni Khrisitu khanavirellella ochimwa. Koma oyo anavirellella ochimwa khanamoone Khristu apaalle khanamudduwelle.

1 Yohane 2:3

Niiwellella malamulo a Mulluku, sika ninnasimikiza wi ninnamudduwella.

Mika 6:6

Ethiyo kikuse tini wi kiphiye vamiitthoni va Apwiya wi kamullapelle Mulluku ooddullu? Ethiyo kaakuse asaanaang'ombe a muyakha mmodda wi kivelleelle mukutho wooshellelliha?

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Hoseya 2:20

Kineerewuutomela moororomelleya nave oneerodduwella wi mi tti Apwiya.”

Masalimo 50:8

Nginuuhumullullani ekaamba ya mikutho ddanyu, vawi munnavelleella mikutho ddanyu ddooshellelliha wa miyaano enthawi ettheene.

Mariko 12:33

Nave onapaalleya wi omukondeke Mulluku ni murimaawo muttheene ni maganizwaawo mattheene ni masivaawo mattheene navettho omukondeke mukhwaawo wonanko mmo oniikondelleewe weekha. Malamulo meellaalla tti oopaalleya ohiyana ni oheraatthi mukutho wooshellelliha wa Mulluku.”

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Yoswa 5:5

Athu attheene yakhumalle o Iguputo yaari ephaddiwe khalle. Koma attheene yayarelliwe muchipululuni va enthawi yookhuma o Iguputo kheyaaphaddiwe.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.