Hoseya 5:7 - Mawu a Mulluku

⁷ Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Hoseya 5:7 ပူးပေါင်းရင်းမြစ်များ

Hoseya 6:7

Koma athwaayo aatathilla echipanganwaaka wonanko mmo eerelle Adamu. Sika yaakeerella ddoohiroromelleya.

Yeremiya 3:20

Koma ddawoona, wonanko mmo mutthiyana anamuthawelleeye mamune moolleka, we Israele khororomelleye wa miyaano. Mi Apwiya koollota.”

Yesaya 48:8

Koma eyariwellwaawo khonaddiiweke, eyariwellwaawo khawaaddidduwenlle, waambeella khalle maarwaawo kheyaahulliwe, vawi kaadduwella wi ori namasikita, wi waambeella enamwanaawo yahuuromolla oohiroromelleya.

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Hoseya 2:4

Anaaye attheene ngaamoriwella ethakaraka ekaamba yawi tti ooyariwa mooraruwa.

Ezekiele 12:28

Vano waalleelle wi, Apwiya Mulluku kinallota wi, ‘Ddoollota ddaka khaddiwa ddiselliwattho kineereweera erive ello killotilleemi. Mi Apwiya Mulluku koollota.’ ”

Yeremiya 5:11

Athu a o Israele ni a o Yuda attheene tti oohiroromelleya vamiitthoni vaka, mi Apwiya koollota.”

Yesaya 59:13

Nyu Apwiya, nohuuwukilani, nohuukhootani, nohuuhiyani, nohaambiha ddoonyingallella ni ddeechiwawa nave m'murimani mwahu munnavenyera ddooganiza ni ddoollota ddoolleka.

Masalimo 144:11

Kivulluseni m'mattani mwa athu a mitundu ddimodda, ayo enallota ddawoottha, enallupella moolleka.

Masalimo 144:7

Ttaphurusani nnatta nanyu ovenyera oddullu, kaakhiheni, kiruulleni o maaddi oowallamella, koopolleni m'mattani mwa athu a mitundu ddimodda,

Yesaya 1:14

Miyaano kinniitana ni ehakallallo ddanyu dda wooneya wa mweeri ni mallapwaanyu aweella. Ddiri wonanko katundu oollemella nave koovillella kootopa.

Hoseya 7:13

Otulli okhalle ni alliwa ekaamba yawi aakihiya. Yoonongeye ekaamba yawi aakiwukila. Kaanapaalla wi kaavulluse koma ennallota ddawoottha wa miyaano.