Hoseya 5:6 - Mawu a Mulluku

⁶ Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Hoseya 5:6 ပူးပေါင်းရင်းမြစ်များ

Yohane 7:34

Muneerokaashaasha koma khamukiphwanya navettho khamuwora oyaawo nko kinaakhallekeemiwo.”

Miyambo 1:28

Muneerekokiithana koma ngiwaakhullakani. Muneerekokaashaashesesa koma khamukiphwanyaka

Ezekiele 8:6

Apwiya yaakikoha wi, “We mwaana a muthu, ethiyo onnoona nndda ddineera Aisraele, ddoonanara dduullupalli eneeriiwa wuno, ddookivenyihamo mu nipuro naka? Vanothi oneerewoona ddoonanara dduullupalli okhwaranya ddenndda.”

Maliro 3:44

Mooddiipitthiha ni mirapo wi mavekellwaahu ehiwore ophiyera.

Yeremiya 7:4

Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Luka 5:16

Koma aanaya onipuroni nayeekha, avekellaka.

Yeremiya 11:11

Sika vano mi Apwiya kinallota wi kineerewaamorihella ddoohoosa ddoohithaweya. Naari ekinllelleve mwawiidde ngaapella maaru.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Nchipo na Solomoni 5:6

Kaamuhullella ookondiwaaka, koma ookondiwaaka aari avennyevo. Mwiillaaka waakhumuwa ekaamba ya yeella. Kaamwaashaasha koma ngaamphwanyille. Kaamwiithana koma khaakaakhunlle.

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Eksodo 10:9

Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Mika 3:4

Enthawi enimawa mvo muninllelleenyu wa Apwiya koma khewaakhullani. Enthawi yeeyo Apwiya eneerewiipitthiha ekhoviiwa kaambiiwa mitteko ddanyu tti ddoonanara.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Yeremiya 11:14

We Yeremiya, ohaavekellelle athu yaalla, ohaapepeselle wa miyaano apaalle waakhupanyella mookiwatihera kaambiiwa miyaano ngiwiiwellella yaakiithanaka va enthawi ya ddoohoosa ddiwa.”

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Amosi 8:12

Athu eneerekeweeteeta nngu ni nngu, ovenyera o enyanja emodda oya o enyanja emoddattho, ovenyera ompoto oya wookhuma nndduwa waashaasha mawu a Apwiya koma ohaaphwanya.