Hoseya 5:5 - Mawu a Mulluku

⁵ Wiitukhulla wa Israele tti omboni woomuvaanyiha. Ddawoona, Efuremu aneerokwakwatuwa ni omora ni machimwaaye. Nayeenettho Yuda aneereweera emoddamoddave.

Hoseya 5:5 ပူးပေါင်းရင်းမြစ်များ

Hoseya 7:10

Aisraele ennavaanyihiwa ni wiitukhulla wiwa. Koma va ddittheddenenndda khenahokollweella wa Apwiya Mullukwiiwa, khenawaashaasha.

Amosi 5:2

“Namwalli Israele oomora, khavenyattho, ootathilliwa nave ootiwalliwa va ellapwaaye, khaavottho anaamuvenyihe.”

Luka 19:22

Nave mwenoolle aallota wi, ‘We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi.

Mateyu 23:31

Sika tti omboni wawiivaanya yeekhiinyu voollotani wi nyuwaano tti edduullu dda ayo yawiiphalle anamallotella.

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Hoseya 4:5

Munnakwakwatuwa otthaana ni mahiiyu nave anamallotella enneera emoddamoddave. Kineeromoononga meenyu, Israele.

Yeremiya 14:7

Athwaaka eninllella wa miyaano wi, “Nyu Apwiya, mweerevo ello ekaamba ya nnddina nanyu naari machimwaahu enihumullullaka aneeniihu, ohiroromelleya wahu tti wuullupalli, ddawoona, nohuuchimwellani.

Yesaya 59:12

“Nyu Apwiya, nohuuchimwellani wunchichi vawi machimwaahu ennanivaanyiha, ddoolakwa ddiri va hiyaano nave ninnadduwella phaama.

Yesaya 44:9

Attheene oopanga mafano tti oohikhalla ni mutteko, milluku nnddo enaddivahiiwa olemu tti ddoohikhalla ni mphuro. Amboni a milluku ddenndda tti oohoona ni oohidduwella ello, sika eneerowullihiwa muru.

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Miyambo 30:13

Vookhalla amodda awiitukhulla, ooddeesa aphaama wunchichi.

Miyambo 24:16

Vawi muthu oolungama anniikuha otthanu ni opiilli anavenya koma muthu oonanara anakhumuwa otulli wammorella.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Miyambo 11:21

Ddawoona, oonanara khevulluwa o ollaka koma athu oolungama eneerovullusiwa.

Miyambo 11:5

Echilungamo ya athu aweella murima ennookollella ettillaaye koma oonanara aneerokuhiwa ni ddoonanara ddaye.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 3:8

Ddawoona, Yerusalemu animamwareya nave Yuda animakumulliwa ddoollota ni ddaweera dda athu a mwemmo tti ddawaavevulla Apwiya, khenapwatha dda ntitimiho na Apwiya.

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.