Hoseya 5:4 - Mawu a Mulluku

⁴ Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Hoseya 5:4 ပူးပေါင်းရင်းမြစ်များ

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Yeremiya 50:38

Nndduwa nummihe maaddaaye wi mihinje ddiwelleelle. Valle Babiloni tti ellapo yamafano, athwaaye aakarangeyana mafanwaayo.

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

1 Samuele 2:12

Anamwani a Eli yaari oonanara, oohaadduwella Apwiya.

Hoseya 4:14

Koma ngaallaka aniinyu aatthiyana ni avokohaanyu ekaamba ya oraruwa wiwa. Vallethi allopwananyu ennararuwa ni mahule voollapellani nave munnaheraatthi mukutho vamodda ni alliwa. Athu oohikhalla ni ezeru ddiidda eneerewoonongeya.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Hoseya 13:13

Ddoovoreya wonanko dda mutthiyana aamuyaraka mwaana ddineerewaamorella. Koma tti wonanko mwaana oohikhalla ni ezeru, ookhoota okhumella otte va enthawaaye yooyariwa.

Hoseya 4:11

Apwiya enallota wi, “Vinyo akhalle naari musha annoononga ezeru.

Hoseya 8:11

“Aefuremu yahoonjera makuwa oovenyihellavo machimo koma makuwaayo yaatthattuwa mapuro oochimwellavo.