Hoseya 5:15 - Mawu a Mulluku

¹⁵ Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Hoseya 5:15 ပူးပေါင်းရင်းမြစ်များ

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Masalimo 78:34

Aawiiphaka amodda oohalla yaanamwaashaasha, yaanahokollowa enamwaashaasha Mulluku ni murimiiwa muttheene.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Luka 13:25

Vano mwaneena a enyumbeeyo aneerowalla o mullako nave amodda a nyuwaano muneerewiimella vaatte, mookothaka vanchiwini mullotaka wi, ‘Apwiya, nihullelleni.’ Olliye aneerewaakhulla wi, ‘Nginuudduwellani. Munavenyera wuuwi?’

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Ezekiele 36:31

Vano muneerewuupuwella makhallellwaanyu ni mitteko ddanyu ddoonanara. Muneerowulliwa muru ekaamba ya machimwaanyu ni ddoonanara nnddo mwaddeerilleenyu.

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Mika 1:3

Ngoonani, Apwiya enimawa ovenyera o nipuro niwa, enakittha vatthi eneeta va mapuro aweellesesa a va ellapo yavatthi.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Ezekiele 20:43

Wenko muneerewuupuwella makhallellwaanyu oonanara ni ddoonanara ddanyu ddittheddene mwiiripihalleenyuna. Nave muneerewiisimwella nyookha ekaamba ya ddittheddene nnddo mwaddeerilleenyu.

Ezekiele 11:23

Ntitimiho na Mulluku naawella ohiya muzindooyo niimella vamwaangoni wa wookhuma nndduwa wa muzindooyo.

Ezekiele 10:4

Ntitimiho na Apwiya naavenyavo mvo naariiwa, vaddullu va akerubi, naphiya vatthi va mullako wa enyumba ya Mulluku nave enyumbeeyo yaaddalla ni murapoolle. Vano ntitimiho noowala na Apwiya naaddalla va nthato.

Ezekiele 8:6

Apwiya yaakikoha wi, “We mwaana a muthu, ethiyo onnoona nndda ddineera Aisraele, ddoonanara dduullupalli eneeriiwa wuno, ddookivenyihamo mu nipuro naka? Vanothi oneerewoona ddoonanara dduullupalli okhwaranya ddenndda.”

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Masalimo 132:14

Yaallota wi, “Nenna sika nipuro naka nawiithuuwellamo wa enthawi yoohimalla, kinaakhalle weewuno kaambiiwa koopaallesesawo.

Masalimo 83:16

Nyu Apwiya mwaawullihe muru wi yaashaashe nnddina nanyu.

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Miyambo 8:17

Kinnaakonda ayo enakikonda, ookaashaasha ennakiphwanya.

Oweeruza 4:3

Vano Aisraele yahinllella wa Apwiya wi aakavihere vawi Sisera aakhalla ni magareta a mikoko 900 nave ahaahoosa mweekuku Aisraele wa miyakha 20.

Genesis 42:21

Nave yahaamba ollota mmodda ni mukhwaaye wi, “Ddawoona, hiyaano naachimwa valle mung'onong'onwaahu anivekilleeye wi nimweerelle echifundo koma hiyaano naakhoota omweerella echifundo. Nave sika ekaambiiwa niri muddookatamiha ollellova.”

Numeri 21:7

Vano athu yaawa wa Mose emulleella wi, “Pepaani naachimwa voowiinyullullani Apwiya ni nyuwaano. Muvekelle wa Apwiya wi enivenyihellevo enowanndda.” Sika Mose ahaavekellella athwaayo.

Yesaya 18:4

Vawi Apwiya yaakilleella wi, “Ovenyera onipuroni waka kineeroweha vatthi mwawiithaalla wonanko nndduwa ninoopelliiwa enthawi yooviha apaalle mmo nikame ninimmelliiwa mahiiyu va enthawi yoohata.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Masalimo 107:6

Vano athwaalle yahinllella wa Apwiya, yaariiwa mu ddookatamihannddo, Apwiya yahaavullusa.

Masalimo 107:13

Vano athwaalle yahinllella wa Apwiya yaariiwa mu ddookatamihannddo, Apwiya yahaavullusa o ddennddo.

Masalimo 107:19

Vano athwaalle yahinlla wa Apwiya yaariiwa mu ddookatamihannddo, Apwiya yahaavullusa o ddennddo.

Masalimo 107:28

Vano athwaalle yahinlla wa Apwiya yaariiwa mu ddookatamihannddo, Apwiya yahaavullusa o ddennddo.

Maliro 3:40

Hankoni niwoone ni oweesa makhallellwaahu nave nihokollweelle wa Apwiya.