Hoseya 5:10 - Mawu a Mulluku

¹⁰ Apwiya enallota wi, “Oohoollella a o Yuda ennawana ekhoto wi esuse mwawaanjerera malire. Sika kineerowiithella owallaaka wonanko maaddi.

Hoseya 5:10 ပူးပေါင်းရင်းမြစ်များ

Deuteronomo 19:14

“Mu yoohallana eyo munaawaakhellenyu mwiillaponi eyo Apwiya Mullukwaanyu enuuvahiiwani, muhisuseke malire a mukhwiinyu ayo yakeraatthihiwe ni makhollo khalle.”

Masalimo 32:6

Sika muthu oolungama avekelle wa nyuwaano mu enthawi eyo munaphwanyeyeenyu. Maaddi oosefukella yaphiya, khemuphwanya olliye.

Deuteronomo 27:17

“ ‘Atembeleliwe arive muthu oosusa malire a mukhwaaye.’ “Nave athu attheene yaakhulle wi, ‘Amen!’

Luka 6:49

Nave arive muthu aniiwa ni oheera mawaakaalla anaphwanaphwana ni muthu amakille enyumbaaye vamihavani, moohitthipella. Maaddi yaphiyalliiwa va enyumbeeyo, enthawi yeeyo yaakumuwavo nave okumuwanko waari wawoopiha!”

Mateyu 7:27

Nave murimu aarupa, mihinje ddaaddalla navettho ephevo yahoopa mwamasiva va enyumbeeyo, sika yaakumuwa. Okumuwanko waari wawoopiha.”

Ezekiele 7:8

Kineerewuushellani murima naanweene vaava nave owallaaka oneeromallella va nyuwaano. Kineerokamulla mullatwaanyu moollikana ni meetellwaanyu nave kineerewuullakani ekaamba ya ddoonanara ddanyu ddawaata.

Miyambo 22:28

Muhisuse malire akhalle ayo makhollwaaye yaakeraatthihalliiwa.

Miyambo 17:14

Waamba wa okangana tti wonanko ondonya wa maaddi, vano ovenyekevo ekhoto ehinaambeye.

Masalimo 88:17

Ddittheddenenndda ddinnakaapheella nllapo nittheene wonanko echigumula, ddookitiyellella wunchichi.

Masalimo 69:24

Muwiithellelle osha murima wanyu, owallaanyu waamorelle wonanko munllo.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Ezekiele 22:22

Muneereweekeya wonanko mmo siliva aneekeyelleeye vamunlloni. Sika muneerodduwella wi mi tti Apwiya ayo yuushenlleni murima.”