Hoseya 4:4 - Mawu a Mulluku

⁴ Apwiya enallota wi, “Nyu allupa mukutho oolleka, ahikhallevo anaavaanyihe erive ello, ahikhallevo anaamwiipe mullatu mukhwaaye vawi mullatu ori variyari va nyuwaano ni miyaano.

Hoseya 4:4 ပူးပေါင်းရင်းမြစ်များ

Deuteronomo 17:12

Arive muthu oohimwiiwellella mullupa mukutho oyo anaarumeyella Apwiya Mullukwaanyu apaalle oohimwiiwellella aweeruza, iiphiwe. Sika muvenyihekevo yoonanara variyari vanyu.

Amosi 5:13

Sika ekaambiiwa enthawi monga yeella, eezeru khanallotavo ello vawi tti enthawi yoonanara.

Hoseya 4:17

Athu a o Efuremu aapataana ni mafano, ddayiwa ddennddo.

Amosi 6:10

Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Ezekiele 3:26

Kineeropanddeellelliha muwano wi ohilloteke nave ohaachenjeze vawi athwaayo tti oowukila.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,