Hoseya 4:15 - Mawu a Mulluku

¹⁵ Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 4:15 ပူးပေါင်းရင်းမြစ်များ

Hoseya 12:11

Koma athu yallapella mafano o Giliyadi. Mafano yaalla eneerewoonongeya. Yaanavelleella mikutho dda eng'ombe o Giligala. Koma makuwiiwa kineerewaatthattusa malluku awuukelliwa m'matani.

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Amosi 4:4

“Waani o Betele, onipuroni naweella wi muchimwe, mwaanjerere ddoolakwa ddanyu o Giligala. Muweekena mikutho ddanyu orive ohinase ddaneekhumi ddanyu erive mallapo mararu.

Amosi 8:14

Attheene ayo enallupella mu nnddina na Ashima, mulluku a Samariya wi, ‘Kinimallupella mu nnddina na Dani, mullukwaaka,’ apaalle wi, ‘Kinimallupella mu nnddina na musewu woopatuleya wa o Beeresheba’ attheenaayo eneerewiikuha, oohivenyattho.”

Amosi 5:5

Koma muhikaashaashe o Betele, apaalle o Giligala apaalle o Beeresheba vawi Giligala aneerophariwa okaporo, Betele aneerewoonongiwa.”

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Hoseya 10:5

Athu a o Samariya eneerewoova nifano na musaanaang'ombe a o Betehaveni noonongiwa. Athwiiwa eneeroninllella navettho allupa mukuthwiiwa eneeromwinllella mullukwiiwooyo vawi ntitimiho naye noomuvenyeravo.

Hoseya 5:8

Ipani mapallapata akhoto o Gibea ni o Rama, achenjezeni athu a o Betaveni. Nyu athu a o Benjamini, hoollani!

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Amosi 6:10

Mbalaaye a mmodda a ookhwaayo oophwanella weetiha dda maliro aneerophiya wi akhumihe mutembo mpammo. Vano aneeromukoha mmodda oyo ahanlle mpammo wi, “Ethiyo mwemmo ookhallamottho mmodda ari mukumi?” Olliye aneerewaakhulla wi, “Iyaayi khaamo.” Nave mbalaayooyo aneerollota wi, “Ngamaalleya! Nihaaheye oromolla nnddina na Apwiya.”

Hoseya 11:12

Apwiya enallota wi, “Aefuremu aakaapheella ni ddawoottha. Aisraele tti noolleka nave Ayuda aakiwukilave miyaano Mulluku Aweella ni oororomelleya.”

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Ezekiele 20:39

“Koma nyu Aisraele, mi Apwiya Mulluku kinallota wi, ‘Khaweni mwarumeyelle mafanwaanyu! Koma vatulli viwa muneerokiiwellellattho nave khamuwa muripiha nnddina naka naweella voovelleellani emphaso wa mafanwaanyu!

Yesaya 48:1

Nyu a nibanja na Yakobo, ngiiwani nndda, nyu munaromolliwa ni nnddina na Israele, nyu edduullu dda Yuda. Munnallupella vamiitthoni va Apwiya, munavekella wa Mulluku a Israele, koma moohiroromelleya ni moohilungama.

Yeremiya 44:26

Nyu Ayuda attheene a mu Iguputo, vano iwani mawu a Apwiya. Vawi Apwiya aallupella mu nnddina niwa noopambana wi mwa athu a o Yuda khaavo naari mmodda anaaromollettho nnddina nenna mu Iguputo wi, ‘Vamiitthoni va Apwiya Mulluku Ookumi.’

Yoswa 5:9

Vano Apwiya yaamulleella Yoswa wi, “Ollello kohuuvenyiherani ovevulla wa Iguputo.” Sika ekaambiiwa nipuronno yaniromonlliiwa Giligala ophiyera ollello.

Yoswa 7:2

Egonjihalle muzinda wa Yeriko, Yoswa ahaaruma athu amodda wi yazonde muzinda wa Ai. Muzinda yooyo waari wookhuma nndduwa wa muzinda wa Betele vakhuviru ni Betaveni. Aarumalle wi yazonde muzindooyo, athwaalle yaheera ddiiddo o muzinda wa Ai.

2 Epilli 17:4

koma amullapella Mulluku a makhollwaaye, aniiwellella malamulwaaye oohithwara mmo Aisraele yakhallelliiwa.

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Hoseya 12:12

Yakobo aathawella mu ellapo ya Mesopotamiya wenko olliye aaphara mutteko woomullimella mutthiyana. Aanachiha enkhosa wi amutthelle mutthiyanooyo.