Hoseya 4:14 - Mawu a Mulluku

¹⁴ Koma ngaallaka aniinyu aatthiyana ni avokohaanyu ekaamba ya oraruwa wiwa. Vallethi allopwananyu ennararuwa ni mahule voollapellani nave munnaheraatthi mukutho vamodda ni alliwa. Athu oohikhalla ni ezeru ddiidda eneerewoonongeya.

Hoseya 4:14 ပူးပေါင်းရင်းမြစ်များ

Hoseya 4:1

Nyu Aisraele, iwani mawu a Apwiya vawi aakhalla ni mullatu ni ookhalla mwiillaponi. Mullatweene tti wawi mwiillaponi khamuri ororomelleya apaalle oreera murima nave khenamudduwella Mulluku.

Aheberi 12:8

Koma Mulluku aahuullakakani nyuwaano wonanko mmo aneerelleeye ni anaaye attheene, dduwellani wi nyuwaano khamuhiyo anaayenaaye.

Aefeso 4:18

Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

1 Akorinto 6:16

Apaalle khamunadduwella wi muthu oyo anakona ni mutthiyana ooraruwa ennatthattuwa mwiilli mmodda? Mawu a Mulluku enallota wi, “Eellaayo eneerokhalla mwiilli mmodda.”

Aroma 3:11

khaavo muthu aniiwesesa khaavo muthu anamwaashaasha Mulluku.

Yohane 8:43

Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Hoseya 4:17

Athu a o Efuremu aapataana ni mafano, ddayiwa ddennddo.

Daniele 12:10

Anchichi eneeroddeelliha nave eneereweella, oohikhalla ni yooripiha. Koma oonanara eneerovirellella onanara. Khaavo naari mmodda mwa alliwa aniiwesese ddenndda koma yaayove eri ni ezeru eneerewiisesesa.

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

Yesaya 1:5

Ethiyo munaavirellelle ollakiwa ni ohihiya owukila ophiyera niini? Arive muthu muru onimamvoreya nave murimaaye woofooka.

Miyambo 28:5

Athu oonanara kheniiwesesa echiweruzo koma ayo enawaashaasha Apwiya enniiwesesa wunchichi.

2 Mamwene 23:7

Aakumulla enyumba dda allopwana ooraruwa voollapellani nnddo ddaari mu enyumba ya Apwiya, o nipuro nko atthiyana yasowiiwawo mikanjo ddoowara athu oomullapella Asherimu.

1 Mamwene 15:12

Ahaavenyihamo mu ellapweeyo allopwana ooraruwa voollapellani mafano mattheene ayo yapangiwe ni makhollwaaye.

Deuteronomo 23:17

“Variyari va Aisraele vihikhalle mullopwana apaalle mutthiyana oyo ari hule o nipuro naweella.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Amosi 2:7

Ennaanyingallella athu oohoowa, khenaapwatha naari vang'ono oopaneya. Muthu ni attiitthinnya ennakona ni kaporo aamutthiyana mmoddamoddave yooyo, ennanyaambusa nnddina naka naweella.

Amosi 7:17

“Vano Apwiya enallota wi, ‘Mwaariyo aneerotthattuwa ooraruwa m'muzindanimmu. Anaawo aallopwana ni aatthiyana eneerokhwa ni nsupada. Ellapwaawo eneeroyikawakawa, waakawella athu amodda, weyaano onaakhwelle mu ellapo yooripihiwa, Aisraele eneeropharelliwa wuukaporoni woorekamella ni owaniwa.’ ”

Numeri 25:3

Sika Aisraele yaamullapellana Baala Peori nave Apwiya yahaashella murima.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.