Hoseya 4:13 - Mawu a Mulluku

¹³ Ennavelleella mikutho m'miyaangoni, ennoosa lubani* mu asimiyaango, vatthi va miteekho ddoovattha monga muthundu, nnjalle ni munkhundi ekaamba yawi muuthuuchiiwa tti waphaama. Sika ekaambiiwa aniinyu aatthiyana ni avokohaanyu enararuwiiwa.

Hoseya 4:13 ပူးပေါင်းရင်းမြစ်များ

Yesaya 1:29

Muneerowulliwa muru ni miteekho dda muthundu ni emata ddoopatuleya nnddo mwatthoollilleenyu wi mullapellekewo moohakallalla.

Ezekiele 6:13

Vano muneerodduwella wi mi tti Apwiya vawoonani awiiphiwa eri variyari va mafano, waapheella makuwiiwa, vaddullu va asimiyaango ni miyaango ddittheddene, vatthi va muteekho wa makukhu makitthi ni wa orive muthundu wa makattha manchichi ni o nirive nipuro nko yavelleelliiwa mukutho wawunkhella wa mafanwiiwa mattheene.

Yeremiya 3:6

Va enthawi ya mwene wa Yosiya, Apwiya yaakilleella wi, “Ethiyo wohoona nnddo eerille Israele oohiroromelleya? Oowella orive mwaango ni vatthi va orive muteekho woovattha nave ooraruwa.

Amosi 7:17

“Vano Apwiya enallota wi, ‘Mwaariyo aneerotthattuwa ooraruwa m'muzindanimmu. Anaawo aallopwana ni aatthiyana eneerokhwa ni nsupada. Ellapwaawo eneeroyikawakawa, waakawella athu amodda, weyaano onaakhwelle mu ellapo yooripihiwa, Aisraele eneeropharelliwa wuukaporoni woorekamella ni owaniwa.’ ”

Hoseya 11:2

Koma mmo kamwiithanelleemi, tti mmottho akithawelleeye, athwaaka yaanavelleella mikutho wa Abaala ni woosa lubani* wa mafano.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Ezekiele 16:25

Waamaka va orive musewu. Vano waananariha oreera wawo vawiivelleellani wa arive muthu oovira. Wookhalla oraruwaka mooheerengeya.

Ezekiele 16:16

Waakusa ddoowara ddawo ddimodda oreerihana mapurwaawo oollapellamo onararuwawo. Ddenndda kheddineereyeke nave khaddiwa ddeereya.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Yesaya 57:7

Va orive mwaango ni mwanamwaango munnamuhiyavo bedi ooraruwellavo, wenko munnavelleellawottho mukutho.

Yesaya 57:5

Munallapella mafano va miteekho dda muthundu, vatthi va orive muteekho wa enthambi ddoorapa. Munnaavelleella aniinyu monga mukutho m'mataponi, m'mittharini dda m'mallukuni.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

2 Mamwene 17:7

Nndda ddaheereya ekaamba yawi Aisraele yahaachimwella Apwiya Mullukwiiwa ayo yaakhumihalle mu Iguputo, waavenyiha m'mattani mwa mwene Farao. Aisraelaayo yaanallapella milluku ddimodda

2 Mamwene 23:7

Aakumulla enyumba dda allopwana ooraruwa voollapellani nnddo ddaari mu enyumba ya Apwiya, o nipuro nko atthiyana yasowiiwawo mikanjo ddoowara athu oomullapella Asherimu.