Hoseya 4:12 - Mawu a Mulluku

¹² Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Hoseya 4:12 ပူးပေါင်းရင်းမြစ်များ

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Yeremiya 2:27

Munallota wa muteekho wi, ‘We tti attiitthaaka,’ nave wa nlluku wi, ‘We tti Amoowaaka.’ Mookireya etulli munipuroni moorukunuwella wa miyaano. Komave mwakhalla mu ddookatamiha munnakiithana wi kuuvulluseni.

Habakuku 2:19

Otulli wa oollota ni muteekho wi, “Venya!” Apaalle wa nlluku noohikhalla ni okumi wi, “Imella!” Ethiyo ddenndda ttuulangiza? Ngoona, yoohuruwelliwa ni golide ni siliva muwari mwiwa khamuri okumi.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Numeri 15:39

Manyenje yaayo mwawoona muupuwelleke malamulo mattheene a Apwiya wi muwiiwellelleke nave muhinathwaraka ddoopaalla dda murimaanyu apaalle dda miitthwaanyu nnddo ddinaweerihani wi muhiroromelleyeke.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Hoseya 9:1

Nyu Aisraele muhihakallalle nave muhithapelle wonanko athu a mitundu ddimodda. Vawi mooraruwa omuhiya Mullukwaanyu. Mookonda emphaso wonanko hule voomuuputhellavo tirigu.

Ezekiele 21:21

Mwene a o Babiloni ohiimella ottilla vamakhullukano a misewu. Annoombesa makhanga ni mipaamba wi adduwelle ettilla yooweellamo. Anaveka ezeru wa terafimu ddaye nave anoombesa ni ohapa eenama.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Masalimo 73:27

Attheene ayo eri wuuteete ni nyuwaano eneerewoonongeya, oohuuroromellani muneerowoononga.

2 Epilli 21:13

koma we othwanre echisanzo ya mamwene a o Israele nave wohaahoollella athu a o Yuda ni Yerusalemu wi ekhalle oohiroromelleya wonanko mmo neeresa nibanja na Ahabu vawaachimwihani athu a o Israele. Navettho woowiipha asinno a nibanja na attiittho ayo yaari aphaama wuukhwaranya.

Levitiko 20:5

miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Oweeruza 18:5

Alliwaayo yaamulleella wi, “Pepaani, onikohelle wa Mulluku wi nidduwelle neeki neete phaama va olendwaahoolla.”

2 Mamwene 17:7

Nndda ddaheereya ekaamba yawi Aisraele yahaachimwella Apwiya Mullukwiiwa ayo yaakhumihalle mu Iguputo, waavenyiha m'mattani mwa mwene Farao. Aisraelaayo yaanallapella milluku ddimodda

Yeremiya 23:13

Variyari va anamallotella o Samariya kohoona yoonanara, yallotella mu nnddina na Baala, sika yahaahollosa athwaaka Aisraele.

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

Hoseya 6:10

Variyari va Aisraele kohoonavo ello yoonanara. Aefuremu yaanararuwa, Aisraele yahiiripiha.