Hoseya 4:11 - Mawu a Mulluku

¹¹ Apwiya enallota wi, “Vinyo akhalle naari musha annoononga ezeru.

Hoseya 4:11 ပူးပေါင်းရင်းမြစ်များ

Miyambo 20:1

Vinyo annavevulla nave yoowirya yoowalli ennanyakulla, oohollowana khanna ezeru.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Oollalleya 7:7

Ddawoona, waanyingallella amodda onnamukarangeyiha muthu eezeru nave waakhella ddamukaphwani onnoononga oganiza phaama.

Miyambo 6:32

Koma muthu ooraruwa khanna ezeru vawi aweera ddennddo anaddoononga yeekha.

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

1 Samuele 25:36

Abigaile aarowa owaniwa amuphwanya Nabala ari va machellello wonanko a mwene. Nabala aari oohakallalla wunchichi vawi aalezela. Vano mutthiyanoolle khaamulleelle erive ello ophiyera ohinase.

Miyambo 31:4

We Lemuwele, mamwene ehimuwiryeke vinyo apaalle enduna opaalla yoowirya yoowalli,

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Yeremiya 23:13

Variyari va anamallotella o Samariya kohoona yoonanara, yallotella mu nnddina na Baala, sika yahaahollosa athwaaka Aisraele.

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.