Hoseya 3:5 - Mawu a Mulluku

⁵ Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Hoseya 3:5 ပူးပေါင်းရင်းမြစ်များ

Yeremiya 30:9

Vano enaarumeyelleke mi Apwiya Mullukwiiwa ni edduullu ya Davide eyo kinaayitthoolleemi.”

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Ezekiele 38:8

Kineerowiithana vavira mallapo manchichi. Miyakha ddinawanndda kineerewuuvollochiha mu ellapo eyo yavulluwalle okhotoni. Oneerewaaphwanya athu etthukumanne ovenyera o mitundu ddinchichi dda athu, ekeraattheyille omiyaangoni dda Aisraele, ayo yahiyiwe enthawi yoorekama koma yakhumihiwe variyari va mitundu dda athu nave attheenaayo eri vamurendelleni.

Ezekiele 16:63

Kuukhululukella ddoonanara ddawo ddittheddene nnddo weerilleewe, oneerodduupuwella nave khokhalla ni yoollota ekaamba ya owulliwa muru wawo. Mi Apwiya Mulluku koollota.”

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Amosi 9:11

Apwiya enallota wi, “Enthawi yeeyo kineerohokollosella omwene wa Davide oyo wakumuwalle wonanko enyumba. Kineeropotokosattho esiri ddiwa ddookumuwa ni omakattho matepiiwa, kineerewuuhokollosellattho mwakhalle.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Hoseya 5:6

Athu ennavelleella mukutho wa enkhosa ni wa eng'ombe vawaashaashani Apwiya koma khenaaphwanya vawi ahaavenyeravo.

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 2:28

Koma wookhalla Mulluku oddullu awuupullulla ddoovittheya. Olliye oomudduwelliha mwene Nebukadinezara nnddo ddineereye muhoollo. Vano nndda sika ddeko moonilleenyu m'masomphenya muri vabedini vanyu.

Ezekiele 38:16

Oneerowa wi ollipane ni athwaaka Aisraele wonanko ephevo yuullupalli yoohuruwella ellapo. Mallapo yaayo kineerowaambaniha ni ellapwaaka wi athu a mitundu ddimodda ekidduwelle mvo kinaawoonihelleemi weella waka va nnddo kinaaweerelleemi, we Gogi.’ ”

Yeremiya 33:17

Ddawoona, miyaano Apwiya kinalonjeza wi Davide khawa arama edduullu yoovollowa munipuroni mwaye va mpandwaaye woomwene wa Israele.

1 Mamwene 12:16

Aisraele attheene yoonilliiwa wi mwenoolle khaawaakhullelle yapaalliiwannddo, yaamwaakhulla wi, “Ethiyo hi niri ninti ni Davide? Khaninna yoohallana mwa mwaana a Yese. Kheyiivo ninaaphurevwaahu va yoohallana ya mwaana a Yese. Nyu Aisraele, hokollweellani owaninyu, we Rehobowamu, mwaana a Davide, alamulelleke athwaawo.” Sika Aisraele yaahokollweella owaniwa.

Deuteronomo 4:30

Mwakhalla mu ddoohoosa nave ddeko ddittheddenenndda ddaweereyellani vatulli viwa muneerohokollweella wa Apwiya Mullukwaanyu nave muneerewiiwellella mawiiwa.

Numeri 24:14

Balamu aamulleella Balaki wi, “Vano kinimarowa wa athwaaka. Koma vano kinaaka kuulleelleni nnddo Aisraele enaaweerelliiwa athwaanyu mallapo enawaalla.”

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Yeremiya 30:24

Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yesaya 9:13

Athu kheyaahokollweelle wa Mulluku oyo anawiipha, kheyaawaashaashille Apwiya Amasiva Mattheene.

Yesaya 17:7

Nllapo nenno athu eneeroweha wa Owaaphatusiiwa nave eneerorukunuwella wa Aweella a Israele waashaasha nikavihero.

Hoseya 1:11

Athu a o Yuda ni o Israele aneerewaatthukumanihattho vamodda nave eneeromutthoolla oohoollella mmodda. Vano eneerokhuma mwiillaponi mwiwa vawi nllapo na Yezireele ninaakhalle nllapo nuullupalli.

Hoseya 11:10

“Kineerewaathurumella wonanko mukango nave athwaaka eneerokithwara. Kineerothuruma nave eneerokithamakella etthukumellaka ovenyera woovollowa nndduwa.

Yesaya 60:5

Oneerewoona ddenndda ni oneerohakallalla, murimaawo oneerothapella. Eyuuma yoonyanja eneerewuuweella, katundu a o ellapo ddittheddene aneerewuuphiyera.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu