Hoseya 3:4 - Mawu a Mulluku

⁴ Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Hoseya 3:4 ပူးပေါင်းရင်းမြစ်များ

Oweeruza 17:5

Mikooyo aakhalla ni enyumba yoovekellamo yaayeyaaye. Vano aasowa yoowara ya efodi* apanga mafano a mu enyumba ooromolliwa terafimu, iitthoollella mwanaye mmodda wi akhalle mullupa mukutho.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Genesis 31:19

Labani aari akelle woochema enkhosa. Nave ari wenko, Rakele ahiiya milluku dda mpa mwa Labani attiitthinnya.

Aheberi 10:26

Ninachimwa mwaphudda nidduwellaka yawoona, khawiivo mukutho mmodda onaakhelliwe ekaamba ya machimwaahwaayo.

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

Daniele 9:27

Enduneeyo eneerokeraatthiha echipangano yoollipa ni athu anchichi wa miyakha khumi ni miilli. Viviralle hafu a enthawi yeella, eneerohiiha ovelleella mikutho ni ddoovelleella ddimodda. Eneerohiya Yoonanara Yawoononga vaddullu va enyumba ya Mulluku nave eneerokhallavo ophiyera aweera ddenndda allakiwe ni woononga nko Mulluku amukeraatthihelleeye.”

1 Samuele 23:9

Koma Davide aadduwella wi Saulo anapaalla omwiipha. Vano aamulleella mullupa mukutho Abiyatara wi aweena efodi.

Oweeruza 8:27

Golidooyo aamweeka oopa mafano ooromolliwa Efodi ahiya mu muzindaaye wa Ofura. Vano Aisraele attheene yaamuhiya Mullukwiiwa yaamba ollapella mafano a efodeeyo wenko nave yaatthattuwa musampha wa Gideoni ni a vanibanjani naye.

Eksodo 28:4

Esowe yoowara ya vakhakaddani, yoowara ya efodi,* mukanjo, malaya oopetiwa phaama, enduwira ni laamba. Esowe ddoowara ddoopatuleyannddo dda mbalaawo Aroni ni dda anaaye wi ekhalle allupa mukutho.

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.

Hoseya 13:11

Kahuuvahani mamwene moosha murima nave kahaavenyihavo moowalli.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Daniele 11:31

Akhotwaaye eneeronanariha enyumba ya Mulluku ni mpanda woollipa nave eneerohiiha mikutho ddooshellelliha dda nllapo ni nllapo. Wenko eneerewiimesawo Yoonanara Yawoononga.

Ezekiele 21:21

Mwene a o Babiloni ohiimella ottilla vamakhullukano a misewu. Annoombesa makhanga ni mipaamba wi adduwelle ettilla yooweellamo. Anaveka ezeru wa terafimu ddaye nave anoombesa ni ohapa eenama.

Ezekiele 20:32

Nyu munapaalla waattakiha athu a ellapo ddimodda ayo enallapella miteekho ni malluku. Koma ddennddo khaddiwa ddeereya naari vang'ono.”

2 Mamwene 23:24

Mallapo yaayo Yosiya ahaavenyihamottho athu a makhanga, amasenga, terafimu navettho mafano mamodda mattheene, owaakattho ddoonanara ddittheddene nnddo ddaari o ellapo ya Yuda ni o Yerusalemu. Eerille ddenndda wi asunge malamulo ayo yalembiwe mu nibukhu nno mullupa mukutho Hilikiya aniphwanyilleeye mu enyumba ya Apwiya.

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

1 Samuele 30:7

Vano Davide aamulleella mullupa mukutho Abiyatara, mwaana a Ahimeleki wi, “Okinnye yoowara yoopangiwa ni ekuwo yaweella wuunchicheelle yookhalla ni efodi.”* Abiyatara aamwinnya.

1 Samuele 23:6

Abiyatara, mwaana a Ahimeleki, oyo athawenlle wa Davide aamukusa efodi* athaanana ni Davide o Keila.

1 Samuele 22:18

Vano mwene aamulleella Doegi wi, “Khawe wawiiphe allupa mukutho.” Doegi a o Edomoolle aawiipha allupa mukuthwaayo. Athu yiiphiwaayo yaari 85 ayo yawara ekuwo ddabafuta ddookhalla ni efodi.*

1 Samuele 21:9

Mullupa mukuthooyo ahaakhulla wi, “Nsupada nirivo tti na Goliati Mufilisti olle mwamwiiphalleeyu va ntapo na Ela, nihuruwelliwe mukuwoni ntthella na yoowara yoopangiwa ni ekuwo yaweella wunchichi yookhalla ni efodi.* Mwaapaallaka ttuuwora okusa nenno vawi khaniivo nimodda koma nennove.” Davide aallota wi, “Nenno tti naphaama, kinnyeni.”

1 Samuele 14:3

Vaakhallattho Ahiya, mullupa mukutho oyo awara yoowara yoopangiwa ni ekuwo yaweella wunchichi yookhalla ni efodi.* Olliyoolla aari mwaana a Ahitubi, mwanamunne a Ikabodi mwaana a Finehasi. Finehasooyo aari mwaana a Eli, mullupa mukutho muullupalli a o Shilo. Vano athu kheyaadduwella wi Yonatani oovenyavo.

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*

Levitiko 8:7

Aamuwariha malaya Aroni, amumakella laamba muyuununi. Aamuwarihattho mukanjo ni yoowara ya efodi* nave aammakellattho laamba a efodooyo.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Genesis 31:34

Rakelooyo aari asunge millukunnddo vatthi va saduro ya ekamira nave olliyooyo aakeraatthella vaavo. Labani ahaashaasha m'musasani koma khaaphwanyillemo.

Oweeruza 18:14

Vano athu atthanu ayo yayiille yazondaka ellapo ya Laishaalle yahaakoha abaliiwaayo wi, “Ethiyo munnadduwella wi emodda mwa enyumba ddenndda mookhalla efodi,* mafano oosema amikoko ni mafano mamodda ooromolliwa terafimu? Vano ganizerani yawi mweere.”

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Hoseya 13:10

Nyu mwallota wi, ‘Nivaheni mwene ni oohoollellaahu.’ Ethiyo mwene awi uuvullusenooyo ari wuuwi? Ethiyo oohoollellaanyu awi yuutetezenaayo eri wuuwi?

Zekariya 10:2

Vawi aterafimu enallota ddoolleka nave awoombesa makhanga enoona ddawoottha. Oottaphullella olloha ennuuhollosani nave enuullipihani murima nivuddo. Sika athu enneeteeta nngu ni nngu wonanko enkhosa yoohikhalla ni mbusa.

Eksodo 28:6

“Yoowara ya efodi eyisowe ni olusi wagolide ni mapururu abululu, ooreera oofiira ni oofiira navettho ekuwo yabafuta aphaama ni yawoopiwa mweeruso.

Ezekiele 19:14

Munllo waakhara m'mutekhonimmo oshellelliha enthambi ni ezipaso ddiwa. Sika khonna nthimwa noopangella ekopo ya mwene.” Nenna tti nchipo nookhupanya nno niipiwa erive enthawi.

Ezekiele 21:31

Kineerewuunanariwellani nave owallaaka oneerokhara va nyuwaano. Kineerewuuhiyani m'mattani mwa athu eekuku, oodduwella woononga.