Hoseya 3:1 - Mawu a Mulluku

¹ Vano Apwiya yaakilleella wi, “Khawettho wamukonde mwaariyo ooraruwa oyo ari ni ezibwenzi ddaye. Omukonde wonanko mmo kinamukondelleemi Israele naari allapellaka milluku ddimodda ni ooddivelliwa ovelleella mikutho ddampesa wawumma.”

Hoseya 3:1 ပူးပေါင်းရင်းမြစ်များ

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Zekariya 1:16

Sika ekaambiiwa kihokollweelleemi o Yerusalemu ni murima weechifundo. Enyumbaaka eneeromakiwattho wenko nave eneerokusattho mukwe woolingella wi emakettho muzinda wa Yerusalemu, Mi Apwiya Amasiva Mattheene koollota.’

Yeremiya 3:20

Koma ddawoona, wonanko mmo mutthiyana anamuthawelleeye mamune moolleka, we Israele khororomelleye wa miyaano. Mi Apwiya koollota.”

Masalimo 123:2

Mmo allupa mutteko aallopwana enaweheriiwa o nnatta na apwiiwa, mmo allupa mutteko aatthiyana enaweheriiwa o nnatta na apwiiwa aatthiyana, tti mwemmo ninawehereehu wa Apwiya Mullukwaahu, ophiyera eneerelle echifundo.

1 Akorinto 10:21

Khamuwora omuwiryella kapu a Apwiya navettho kapu a minepa ddoonanara. Khamuwora ochella va tebuloa Apwiya navettho va tebulo a minepa ddoonanara.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Amosi 2:8

Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Nehemiya 9:31

Naari ddaari ddiiddo, ekaamba ya echifundwaanyu yuullupalli khemwaawoonongille apaalle waahiya vawi nyuwaano tti Mulluku aphaama ni eechifundo.

2 Mamwene 13:23

Koma Apwiya yahaareerella murima ni oweerella echifundo Aisraele. Yahaakhurumuwella murima ekaamba ya echipangano eyo yakeraatthihalliiwa ni Abrahamu, Isaki ni Yakobo. Kheyaapanlle wi ewoononge apaalle waatiwalla athwiiwa ophiyera ollello.

2 Samuele 6:19

Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa. Vano athu attheene yaavenyawo arive muthu anaya owaniwa.

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.

Eksodo 32:6

Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.

1 Akorinto 10:7

Nihillapelleke mafano wonanko amodda a yaayo. Vawi mawu a Mulluku enallota wi, “Athu yaayo yaakeraatthi wi eche ni owirya nave yaavenya yiina.”

Mateyu 26:50

Yesu ahaakhulla wi, “Mukhwaaka, erathi nnddo oweelleewe!” Vano yaawa emuphara Yesu emmaka moollipiha.

Hoseya 7:5

Va nllapo na ehakallallo ya mwene, enduna ddaye ddinnalezela, mwenooyo annavollowana mu mulloko wa athu oonanara.

Hoseya 4:11

Apwiya enallota wi, “Vinyo akhalle naari musha annoononga ezeru.

1 Epilli 16:3

Vano ahaakawella Aisraele attheene, allopwana ni atthiyana arive muthu mwitthi wa buledi, enthuli ya enama navettho keke ampesa.

Nchipo na Solomoni 2:5

Mukillipihe ni ezipaso ddawumma, mukihihimulle ni mapulosi, vawi kinavoriiwa echikondi.

Hoseya 2:5

Vallethi ameewa tti ooraruwa, ayo yaayarille yaaneera ddoowulliha muru. Yaanallota wi, ‘Kineeroddithwara ezibwenzi ddaka nnddo ddinakivaha yoocha ni maaddi, obweya ni nthoche, makhura ni vinyo.’