Hoseya 2:4 - Mawu a Mulluku

⁴ Anaaye attheene ngaamoriwella ethakaraka ekaamba yawi tti ooyariwa mooraruwa.

Hoseya 2:4 ပူးပေါင်းရင်းမြစ်များ

Hoseya 1:6

Gomeri aakhallattho ni erukullu amuyara mwaana aamutthiyana. Apwiya yaamulleella Hoseya wi, “Omuvahe nnddina nawi Khanakondiwa. Vawi Israele ngimukondattho nave ngimukhululukella.

Hoseya 1:2

Apwiya yallotilliiwa vawaamba ni Israele oweella mwa Hoseya yaamulleella wi, “Khawe wamutthelle hule nave omuyarelle anamwani ayo enaakhalle ooraruwattho. Vawi athu a mwiillaponimmu tti oohiroromelleya vookihiyani mi Apwiya.”

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Yeremiya 13:14

Kineerowoopaniha miru wi enyenyane amoddamoddave, attiitthi ni aniiwa. Ngiweerella echifundo apaalle waamoriwella ethakaraka apaalle waakhululukella ophiyera kiwoonongille.”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Aroma 11:22

Wehesesani phaama echifundo ya Mulluku ni owallaaye. Annawoopella owalli ayo echimwalle koma annaweerellani echifundo nyuwaano mwavirellella okhulupilila echifundwaaye. Nave mwaaheera ddiiddo nyuwaano Mulluku aneerowinttakani.

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Yohane 8:41

Nyuwaano muneera wonanko attiitthaanyu.” Yahaakhulla wi, “Hi khanaayariwe muuraruwani, nookhalla ni Attiitthiihu mmodda, Mulluku.”

Zekariya 1:12

Vano mungelo a Apwiya aakoha wi, “Nyu Apwiya Amasiva Mattheene, ethiyo Yerusalemu vamodda ni mizinda ddittheddene dda o Yuda nnddo mwaddinanariwelleenyu wa miyakha makhumi matthanu ni meelli, munaaddummelle murima ophiyera niini?”

Ezekiele 9:10

Sika ngiweerella echifundo apaalle waamorella ethakaraka. Kineerewaallaka moollikana ni ddaweera ddiwa.

Yeremiya 16:5

Apwiya enallota wi, “Ohivollowe mu enyumba ya maliro. Ohivollowemo wi winlle apaalle waakhurumusa murima athu vawi koowaakha murendellaaka, echikondaaka yoohisintheya ni echifundwaaka.

Yesaya 57:3

Waani wuno nyu athu oochimwa vawi muri wonanko edduullu dda amasenga, ooraruwa ni oohule.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

Ezekiele 23:25

Kineerowakhullella wi eweerelleke ddeekuku kaambiiwa kohuunanariwella. Eneerewuuphadda ephuna ni maaru nave ayo enaahalle mwa weyaano eneerowiipha ni nsupada. Eneerowaakha anaawo aallopwana ni aatthiyana nave ayo enaahalle mwa weyaano eneeroosha ni munllo.

Hoseya 5:7

Yaheera ddoohaaroromella Apwiya wawi aniiwattho khe a Apwiya. Vano Ehakallallo ya Wooneya wa Mweeri eneerowoononga vamodda ni emata ddiwa.

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.