Hoseya 2:23 - Mawu a Mulluku

²³ Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Hoseya 2:23 ပူးပေါင်းရင်းမြစ်များ

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Aroma 3:29

Ethiyo Mulluku tti a Ayudave? Ethiyo kahiyottho Mulluku a athu ayo ehiri Ayuda? Ddawoona, tti Mullukuttho a athu ayo ehiri Ayuda.

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Masalimo 22:27

Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Hoseya 1:6

Gomeri aakhallattho ni erukullu amuyara mwaana aamutthiyana. Apwiya yaamulleella Hoseya wi, “Omuvahe nnddina nawi Khanakondiwa. Vawi Israele ngimukondattho nave ngimukhululukella.

Yeremiya 31:27

Apwiya enallota wi, “Enthawi enimawa mvo kinaadaliseemi ellapo ya Israele ni Yuda ni athu anchichi nave ni eziweto ddinchichi.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Masalimo 68:31

Mamwene eneeroowa ovenyera o Iguputo, a o Kushi eneerewaakuva omugonjella Mulluku, voowellihani mattiiwa wa olliye.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Zekariya 14:16

Vatulli viwa athu attheene oohalla a mitundu nndde ddawana ni Yerusalemu eneerekowa vamuyakhani omullapella mwene Apwiya Amasiva Mattheene navettho eneerekeweera Ehakallallo Ya Misasa.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

Zekariya 10:9

Naari kaapallalleselle variyari va mitundu, komave o ellapo ddawoorekamannddo eneerokuupuwella. Alliwa ni aniiwa eneerovulluwa, eneerohokollweella owaniwa vamodda.

Nchipo na Solomoni 2:16

Ookondiwaaka tti aakaaka nave miyaano tti aayaaye. Anachiha eziweto ddaye variyari va malluwa,

Hoseya 8:2

Enninllella wa miyaano wi ‘Hi Aisraele ninnuudduwellani nyu Mullukwaahu.’

Yesaya 44:5

Mmodda aneerollota wi, ‘Miyaano kiri a Apwiya,’ mmoddattho aneeroddeesa a athu a Yakobo, mmoddattho aneerolemba va nnatta naye wi, ‘A Apwiya,’ aneerewiiromolla a athu a Israele.”

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Yeremiya 33:26

Vano wonanko mmo keerelleemi ddenndda moosimikiza, kineerosunga echipangano eyo kakeraatthihalleemi ni edduullu dda Yakobo ni Davide, oorumeyellaaka. Kineeromutthoolla mmodda mwa edduullu dda Davide wi alamulelleke edduullu dda Abrahamu, Isaki ni Yakobo. Vano kineerewaamorella ethakaraka ni waahokollosellattho ddaphaama.”

Ezekiele 36:29

Kineerewuuvullusani o ddittheddene ddawuuripihani. Kineerewuuruuwihellani tirigwaanyu nave ngiwa kuumorihellani ettalla.