Hoseya 2:20 - Mawu a Mulluku

²⁰ Kineerewuutomela moororomelleya nave oneerodduwella wi mi tti Apwiya.”

Hoseya 2:20 ပူးပေါင်းရင်းမြစ်များ

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

Yeremiya 24:7

Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Hoseya 2:19

We Israele, kineerewuutomela wi okhalle mwaaraka wa enthawi yoohimalla. Kineerewuutomela mwawoona, moolungama, mweechikondi yoohisintheya ni mweechifundo.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Ezekiele 38:23

Mmu sika kinaawoonihelleemi wi mi tti amasiva ni aweella nave kineerodduwanyeya wa athu a mitundu ddittheddene sika eneerodduwella wi mi tti Apwiya.”

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Hoseya 6:6

Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Aheberi 8:11

Khavipaalleyattho wi muthu amuhuddihe mukhwaaye, apaalle ollota wa mukhwaaye wi, ‘Waadduwelle Apwiya.’ Vawi attheenaayo eneerokidduwella miyaano, waambeella wa mung'onong'ono, ophiyera wa muullupalli.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Yeremiya 32:41

Kineerohakallalla vooweerellani ddaphaama. Nave kineerewaakeraatthiha mu ellapweella moororomelleya ni murimaaka muttheene ni opaalla wake ottheene.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Genesis 9:10

ni ddookumi ddittheddene, epallame, eziweto, enama ddamuhakani ni ddimodda ddittheddene ddakhumalle ni nyuwaano muchomboni.

Levitiko 26:5

Muneerekewuuputha ddeko ophiyera enthawi yoorukulla ezipaso nave muneerekorukulla ezipaso ophiyera enthawi yawaalla. Muneerocha yoocha ophiyera muvonille nave muneerekokhalla mwiillaponaanyu mwamurendelle.

Levitiko 26:6

Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Ezekiele 16:62

Kineerokeraatthiha echipangano ni weyaano nave oneerodduwella wi mi tti Apwiya.

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Ezekiele 34:27

Miteekho ddineerewimma nave ethaya eneerokhumiha ddoohata. Vano athu eneerokhalla mwamurendelle mwiillaponi mwiwa. Eneerodduwella wi mi tti Apwiya kinttaka magoliiwa ni waavullusa wa ayo yaaphanre okaporo.

Mika 4:3

Alliwa eneereweeruza variyari va mitundu dda athu ddinchichi, eneeromalliha ohiiwanana variyari va malloko amasiva, avakhuviru ni awoorekama. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”