Hoseya 2:19 - Mawu a Mulluku

¹⁹ We Israele, kineerewuutomela wi okhalle mwaaraka wa enthawi yoohimalla. Kineerewuutomela mwawoona, moolungama, mweechikondi yoohisintheya ni mweechifundo.

Hoseya 2:19 ပူးပေါင်းရင်းမြစ်များ

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yesaya 54:14

Oneerokeraattheya mu echilungamo, khowattho onyingallelliwa, ddawoona, khowattho woova, Khuwa woopopihiwa kaambiiwa ddeko ddawoopiha khaddiwaatamella.

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

Aroma 7:4

Emoddamoddave yeeyottho nyuwaano, asinnaka ni arokoraka, malamulo khennattho masiva va nyuwaano. Muri wonanko ookhwa o masivaayo, ekaamba ya okhwa wa Khrisitu. Vano moopataana ni mmodda oyo aavenyihiwe wa ookhwa wi nimurumeyelle Mulluku.

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Ezekiele 39:29

Ngiwa kaareya etulli vawi kineerohella munepaaka wa Aisraele. Mi Apwiya Mulluku koollota.”

Yesaya 1:27

Apwiya tti oolungama, eneeromoopolla Ziyoni ni arive muthu oolapa m'muzindanimmo.

Yowele 3:20

Koma Yuda aneerokhalliwa wa enthawi yoohimalla, Yerusalemu khawa amalla athu o mibado ddittheddene.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yesaya 54:6

We Israele, Apwiya aawiithanattho. Tti wonanko namwalli oohiyiwa, ooddalla ni ethakaraka m'murimani mwaye, wonanko mutthiyana aveesombweni oyo iikarihiwe. Mullukwaawo anallota wi,

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Hoseya 14:4

Apwiya enallota wi. “Kineerochiriha ereetiiwa ya ohiroromelleya, kineerewaakonda ni murimaaka muttheene vawi koohiya waashella murima.

Zekariya 13:2

Navettho nllapo nenno kineerewoononga manddina a mafano mwawi khewa yuupuwelleyattho. Kineerewaavenyihamottho mwiillaponi anamallotella vamodda ni munepa wooripiha. Mi Apwiya Amasiva Mattheene koollota.