Hoseya 2:18 - Mawu a Mulluku

¹⁸ Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Hoseya 2:18 ပူးပေါင်းရင်းမြစ်များ

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Masalimo 46:9

Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Yesaya 65:25

Mumbulu ni mwaanaankhosa eneerekochella vamodda nave mukango oneerekocha munyepu wonanko eng'ombe navettho nthupi sika ninaakhalle yoocha ya enowa. Va mwaangwaaka waweella wa Ziyoni khaviwa vikhalla ello yoovoreya apaalle yawoononga.”

Yobu 5:23

Emata ddawo kheddikhalla ni malluku, enama ddamuhakani khedduukatamiha.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Zekariya 14:4

Nllapo nenno eneerewiimella va mwaango wa Olivi oyo ori wookhuma nndduwa wa Yerusalemu. Mwaangooyo oneerokawiwa veelli ni ntapo nuullupalli noovenyera wookhuma nndduwa ophiyera woovollowa nndduwa. Hafu a mwaangooyo anaasuselle ompoto nave hafu mmoddooyo omwera.

Zekariya 3:10

Nllapo nenno attheenenyu muneerewiithanihana wi mwahakallallelle murendellaanyu, arive muthu ari va muteekhwaaye wampesa ni wanamukuyu. Mi Apwiya Amasiva Mattheene koollota.’ ”

Zekariya 2:11

Enthawi yeeyo athu anchichi eneeroowa wa mi Apwiya, muneerotthattuwa athwaaka nave kineerokhalla variyari vanyu.” Vano muneerodduwella wi Apwiya Amasiva Mattheene sika ekirumalle.

Yeremiya 33:16

Enthawi yeeyo Yuda aneerovulluwa nave Yerusalemu aneerokhalla vamurendelleni. Sika muzindooyo onaaromolliweke wi, ‘Apwiya sika echilungamwaahu.’

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yesaya 26:1

Nllapo nenno athu a mu ellapo ya Yuda eneerewiipa nchipo nawi, “Nookhalla ni muzinda wampanda, Apwiya eneeroteteza mpandiiwa.

Yesaya 2:17

Okota wa athu oneeromalla wiitukhulla wiwa otthewene oneerewoonongiwa. Apwiyave sika enaariihiwe nllapo nenno.

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

Masalimo 23:2

Ennakikonaatthiha vamunyepuni, ennakihoollella omaaddini oodikha.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Yobu 5:22

Va enthawi yawoononga ni ettalla oneerottheya, enama ddamuhakani khoddoova.

Masalimo 148:10

nyu enama ddamuhakani ni eziweto ddittheddene, nyu ddeko ddawaapadda ni epallame ddoovava!

Yesaya 32:18

Athu a mi Apwiya enaakhalleke mu mizi ddamurendelle, mu enyumba ddoororomelleya ni mwawiithuuwellamo ni oohikhupanyihiha erive ello.

Ezekiele 39:1

“We mwaana a muthu, llotella ddoomuvaanyiha Gogi. Omulleelle wi mi Apwiya Mulluku kinallota wi, ‘Ngoona, kiri mudanaawo, we Gogi, mwene muullupalli a o Mesheki ni a o Tubala.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.