Hoseya 2:14 - Mawu a Mulluku

¹⁴ “Vano ngiiwani, kineeromukopa mutthiyanooyo wi kiyeena o echipululu, kamuhakallallihe ni mawu eechikondi.

Hoseya 2:14 ပူးပေါင်းရင်းမြစ်များ

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Genesis 34:3

Vawi Shekemu aamukonda wunchichi Dina ahaambella omullotella mawu oomukohera namwallooyo.

Yohane 6:44

Khaavo muthu anawora owa wa miyaano, Attiitthaaka, ayo yakirumalle miyaano, yaahimuhoollella wa miyaano. Nave va nllapo noomallihella kineeromuvenyiha wa ookhwa.

Hoseya 2:3

Aaheera ddiiddo kineeromurulla wi akhalle wonanko mmo ayarelliweeye. Kineeromummiha wonanko echipululu, akhalle wonanko ellapo yoohikhalla ni maaddi, aneerokhwa ni nthona.

Ezekiele 20:10

Kahaakhumiha mu Iguputo ni waaholleella muchipululuni.

Yeremiya 16:14

Sika ekaambiiwa Apwiya enallotiiwa wi, “Mallapo enimawa mvo athu khellupellakattho wi, ‘Vamiitthoni va Apwiya Ookumi ayo yaakhumihalle Aisraele o ellapo ya Iguputo.’

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

Oweeruza 19:3

Vano mamune aatimulla amuthwara wi allotena mwawiithaalla, omuveka wi ahokollowe. Mamunooyo aari ni oorumeyellaaye ni abulu eelli. Vano yaaphiya o enyumba ya attiitthinnya a mwaariyooyo. Nave mwaariyooyo aamukusella mamunooyo mpa sika attiitthinnya yamoonilliiwa yaamwaakhella ni matta meelli.

Yohane 12:32

Nave miyaano katthomeyiwa vamutandani, kineerewaatthukumaniha athu attheene wa miyaano.”

Yobu 36:16

Mulluku ahuukhumihattho mu ddoohoosa wi uuhiye va nipuro noottaphuwa, noohimakeya, vatebuloni vawo viddalle ddoocha ddamakhura.

Ezekiele 20:33

“Mi Apwiya Mulluku kinallupella vamiitthoni vaka kineerewuulamulellani ni nnatta naka namasiva, kittaphurusalle muwonwaaka nave kiri oosha murima wunchichi.

Mika 4:10

Nyu athu a o Ziyoni, wuupuruwa ni wiipullella wonanko mutthiyana va enthawaaye yooyara. Vawi vano muneerovenyamo m'muzindanimmo wi mwakhalle m'mawaani. Muneeroya o Babiloni wuukaporoni komave muneerovullusiwawo vawi Apwiya eneerowoopollani wa adanaanyu.

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Yeremiya 45:4

Apwiya aakilleella wi killote wa weyaano wi, “Eyo kamakilleemi, kinimayikumulla nave eyo kaallilleemi, kinimayitulla. Mmu sika kineerelleemi ni ellapo yavatthi ettheene.

Mika 1:7

Mafanwaaye mattheene kineerewaanyenyanyenya nave ddoovelleella ddaye ddittheddene dda mahule ddineerotathillelliwa m'munlloni. Mafanwaaye mattheene kineerowoononga. Emphaso ddaye aakhenlleeye ovenyera wa mahule, amoddattho eneeroddiphariha mutteko voollivellani mahule.”